މަގާމުގެ ޒިންމާތައް އަދާކުރެއްވުމަށް ރައީސް ނަޝީދުގެ ދިރިއުޅުން ގާނާއަށް ބަދަލުކުރައްވައިފި

ކްލައިމެޓް ވަލްނެރަބަލް ފޯރަމް (ސީވީއެފް)ގެ ސެކްރެޓަރީ ޖެނެރަލްގެ މަގާމުގެ ޒިންމާތައް އަދާކުރެއްވުމަށް ދިވެހިރާއްޖޭގެ ކުރީގެ ރައީސް އަދި ރައްޔިތުންގެ މަޖލީހުގެ ރައީސް ކަން ވެސް ކުރައްވާފައިވާ މުހައްމަދު ނަޝީދު ދިރިއުޅުން ގާނާއަށް ބަދަލުކުރައްވައިފިއެވެ.

ރައީސް ނަޝީދު އެކްސް ގައި ކުރެއްވި ޕޯސްޓެއްގައި ވިދާޅުވީ އެމަނިކުފާނު އެ ގައުމުގެ ވެރިރަށް އަކްރާއަށް ވަޑައިގެންނެވީ ސީވީއެފްގެ ފުރަތަމަ ޗެއާމާނުގެ ރަސްމީ ޒިންމާތައް އަދާކުރެއްވުމަށް ކަމަށެވެ. އަދި ސީވީއެފްގެ ޒިންމާތައް އަދާކުރެއްވުމަށް އެމަނިކުފާނު ދެން ދިރިއުޅުއްވަމުން ގެންދަވާނީ ގާނާގައި ކަމަށް ވެސް އެ ޕޯސްޓުގައިވެއެވެ.

"ގާނާއިން ދަނީ ސީވީއެފްގެ އިދާރާ ހޯސްޓު ކުރައްވަމުން، މި ގައުމުގެ ވެގެންދާނީ ކުރިއަށް އޮތް އަހަރުތަކުގައި އަޅުގަނޑުގެ މަންޒިލަށް"

ރައީސް ނަޝީދު ވިދާޅުވިއެވެ.

މަޖިލީހުގެ ރައީސް ކުރީގެ ރައީސް ނަޝީދުގެ މަގާމުގެ އިތުބާރު ނެތް ކަމުގެ މައްސަލަ ކުރިއަށް ދަނިކޮށް މަޖިލީހުގެ ރައީސް ގެ މަގާމުން އެމަނިކުފާނު އިސްތުއުފާ ދެއްވީ މިދިޔަ ނޮވެމްބަރު މަހުގެ 13 ވަނަ ދުވަހުއެވެ.

އެއަށް ފަހު މިދިޔަ އަހަރުގެ ޑިސެންބަރު މަހު އެމަނިކުފާނު ވަނީ ސިޔާސީ މަގާމު ތަކުން ދުރަށް ޖެހިވަޑައިގެންކަން އިއުލާން ކުރައްވާފައެވެ.

މިގޮތުން ރައީސް ނަޝީދު ވިދާޅުވީ އދ.ގެ ތިމާވެށީ ކޮންފަރެންސްގައި އެ ޖަމާއަތުގެ ސެކެޓްރީ ޖެނެރަލްކަމުގެ މަގާމް އަދާކުރުމަށް ލިބިވަޑައިގެންނެވި ފުރުސަތު ގަބޫލުކުރައްވާފައިވާ ކަމަށެވެ. އަދި އެ ވަޒީފާގައި ރާއްްޖެއަށް ޚިދުމަތްކޮށްދެއްވޭނެ ކަމަށް ވެސް އެމަނިކުފާނު ވަނީ ވިދާޅުވެފައެވެ.