ފެން ޕްލާންޓެއް ފަޅައިގެން ގޮސްފައެއް ނުވޭ؛ މައްސަލަ ވަނީ ހައްލު ކޮށްފައި: އެމްޑަބްލިޔުއެސްސީ
މޯލްޑިވްސް ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިޔުއެސްސީ) ގެ މައި ފެން ޕްލާންޓް ހުންނަ ސަރަހައްދުގައި ފެން ބޮޑުވެފައިވަނީ ފެން ޕްލާންޓް ފަޅައިގެން ދިޔުމުގެ ސަބަބުން ނޫން ކަމަށް އެ ކުންފުނިން ބުނެފިއެވެ.
އެމްޑަބްލިޔުއެސްސީ އިން މިހެން ބުނެފައިވަނީ ރޭ ދަންވަރު އެ ކުންފުނީގެ ހެޑް އޮފީސް ހުންނަ ބިމުގެ ތެރެއިން ޕްރެޝަރުގައި ފެން ލީކްވެ، މުޅި ސަރަހައްދުގައި ފެން ބޮޑު ވެފައިވާ މަންޒަރު މީސް މީޑީއާގައި ދައުރުވެ، މިކަން ވެފައިވަނީ ފެން ޕްލާންޓް ފަޅައިން ދިޔުމުގެ ސަބަބުން ކަމަށް ބުނެފައި ވުމުންނެވެ.
އެގޮތުން މި ހާދިސާއާއި ގުޅިގެން އެމްޑަބްލިޔުއެސްސީ އިން މިއަދު ކުރި ޓްވީޓެއްގައި ބުނެފައިވަނީ އެ ކުންފުނީގެ ފެން ޕްލާންޓެއް ފަޅައިގެން ގޮސްފައި ނުވާ ކަމަށެވެ.
މިއާއިއެކު ފެން ޕްލާންޓް އިމާރާތް ހިމެނޭ ސަރަހައްދުގެ މަގުމަތީގައި ފެން ބޮޑުވެފައިވަނީ ދިމާވި ޓެކްނިކަލް މައްސަލައަކާއި ގުޅިގެން ފެން އުފައްދާ ނިޒާމުގައި ހިމެނޭ ޗެމްބަރ އެއް އޯވާފްލޯ ވެގެން ކަމަށް އެ ކުންފުނުން ވަނީ ބުނެފައެވެ.
މީގެ އިތުރުން މި މައްސަލަ މިހާރު ވަނީ ހައްލު ކުރެވިފައި ކަމަށް އެމްޑަބްލިޔުއެސްސީ އިން ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
