ތައުލީމެއް ނެތް މީހެކޭ ބުނާ މީހުންނަށް ގާސިމްގެ ރައްދެއް!
ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް އަކީ އެއްވެސް ތަޢުލީމެއް ނެތް ބޭފުޅެއް ކަމަށް ބުނެ ފާޑުކިޔަމުންދާ މީހުންނަށް، އެމަނިކުފާނު ރައްދުދެއްވައިފިއެވެ.
ރިޔާސީ ކެމްޕެއިނަށް ގާސިމްގެ ރަނިންމޭޓު، ޑރ. އަމީން އިބްރާހީމްގެ އުފަން ރަށް ބ. ތުޅާދޫއަށް ވަޑައިގެން އިއްޔެ އެރަށުގައި ބޭއްވި ޖަލްސާއެއްގައި ވާހަކަ ދައްކަވަމުން ޤާސިމް ވިދާޅުވީ، އެމަނިކުފާނަކީ ދިވެހި ގައުމަށް ގިނަ ޚިދުމަތްތަކެއް ކޮށްދެއްވާފައިވާ ފަރާތެއް ކަމަށެވެ. އަދި ޤައުމީ ޚިދުމަތުގެ ތަފާތު އެކި ދާއިރާތަކުން ހިތްވަރުދިނުމުގެ އިނާމާއި ޝަރަފުވެރިކަމުގެ އިނާމު، އެންމެ ގިނަ އަދަދަކަށް ހާސިލު ކުރައްވާފައިވާ އެއްބޭފުޅަކަށް އެމަނިކުފާނު ވެވަޑައިގަންނަވާނެ ކަމަށްވެސް ވިދާޅުވި އެވެ.
މިއާއެކު ގާސިމް ވިދާޅުވީ އެމަނިކުފާނުގެ ރަނިންމޭޓަކީ ޕީއެޗްޑީ ހާސިލް ކުރައްވާފައިވާ ބޭފުޅެއް ކަމަށެވެ. އަދި އެއީ "ޑޮކްޓަރ" އަމީން އިބްރާހީމް ކަމަށް ވެސް ވިދާޅުވި އެވެ.
ގާސިމްގެ ރަނިންމޭޓް އަމީން އަކީ ޔުނިވާސިޓީ އޮފް ވޭލްސްއިން ބިޒްނަސް އެޑްމިނިސްޓްރޭޝަންގެ ދާއިރާއިން ޑޮކްޓަރޭޓް ޑިގްރީ ހާސިލްކުރައްވާފައިވާ ބޭފުޅެކެވެ.
މިއަދު ތިޔަބޭފުޅުންގެ މިރަށުގެ އަޚެއް ކަމުގައިވާ، އަމީން އަކީ ޑޮކްޓަރު އަމީން އިބްރާހިމް. އަޅުގަނޑަށް ވެސް އޮނަރަރީ ޕީއެޗްޑީ، ލިބިފައިވާ މީހެއް އަޅުގަނޑަކީވެސް. ދެން ބައެއް މީހުން ކިޔާ އަޅުގަނޑަކީ ތައުލީމެއް ނެތޭ، ތައުލީމެއް ހުއްޓޭ.
ގާސިމް އިބްރާހިމް
ގާސިމް އިބްރާހިމް އަށް އޮނަރަރީ ޕީއެޗްޑީ އަރުވާފައިވަނީ ވިޔަފާރި ކުރިއެރުވުމާއި އިންސާނިއްޔަތަށް އެހީތެރިވުމުގައި ހޯއްދަވާފައިވާ ބޮޑެތި ކާމިޔާބީ ވަޒަންކޮށް، މެލޭޝިއާގެ އޯޕަން ޔުނިވަރސިޓީއިންނެވެ.
ތަޢުލީމަށްޓަކައި ޤާސިމް ކުރެއްވި އަގުހުރި ޚިދުމަތުގެ އަގުވަޒަންކޮށް ވޯލްޑް އެޑިޔުކޭޝަން ފޯރަމުގެ ފަރާތުން ވަނީ ލައިފްޓައިމް އެޗީވްމަންޓް އެވޯޑްވެސް އެމަނިކުފާނަށް އަރުވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
