ހައުސިންގެ 40 މުވައްޒަފުން ނޯޓިސްއާއި އެކު ވަކިކުރަނީ
ލިޔުންތެރިޔާ
ޝަފްރާޒް އަހްމަދު
މިނިސްޓްރީ އޮފް ހައުސިންގް އެންޑް އިންފްރާސްޓްރަކްޗަރގެ 40 އެއްހާ މުވައްޒަފުން، ސިވިލް ސާވިސް ކޮމިޝަނުން އެކުލަވާލި އާ ވަޒީފާއާއި ބެހޭ އުސޫލުގެ ދަށުން ނޯޓިސްއާއި އެކު މަގާމުން ވަކިވާ ގޮތަށް ހަމަޖެހިއްޖެއެވެ.
ވޮއިސްއަށް މައުލޫމާތު ލިބިފައިވާ ގޮތުގައި ހައުސިންގް މިނިސްޓްރީން ބައެއް މުވައްޒަފުންތައް ވަކިވަނީ އެ މިނިސްޓްރީ ދެބަޔަކަށް ބަހާލައި މިނިސްޓްރީ އޮފް ހައުސިންގް އެންޑް އާބަން ޑިވެލޮޕްމެންޓްއަކާއި މިނިސްޓްރީ އޮފް ޕްލޭނިންގް އެންޑް އިންފްރާސްޓްރަކްޗަރ އެއް އުފެއްދެވުމާއި ގުޅިގެންނެވެ. ސިވިލް ސާވިސް ކޮމިޝަނުން މިކަމާއި ގުޅިގެން އެކުލަވާލި އުސޫލުގައި ނުހިމެނޭ ރޭންކުތަކުގައި މަސައްކަތް ކުރާ މުވައްޒަފުން ވަޒީފާ އިން ވަކިވާގޮތަށް ވަނީ ހަމަޖެހިފައެވެ .އަދި އެ މިނިސްޓްރީގެ 40 ވަރަކަށް މުވައްޒަފުންނެވެ.
މިނިސްޓްރީއިން ވަކިވާ ސާޅީސް މުވައްޒަފުންގެ ތެރޭގައި މިނިސްޓްރީގައި ގިނަ ދުވަސްތަކެއް ވަންދެން މަސައްކަތްކޮށްފައި ތިބި މުވައްޒަފުންވެސް ތިބިކަން ފާހަގަކޮށްލެވެއެވެ.
މިކަމާއި ގުޅިގެން މީޑިޔާތަކަށް މައުލޫމާތު ދެއްވަމުން ހައުސިންގް މިނިސްޓްރީގެ ޑެޕިއުޓީ މިނިސްޓަރ އަލީ ޝާމިން ވިދާޅުވީ މުވައްޒަފުން ބާކިވާ މައްސަލައަށް ފަރުވާއެއް ހޯދުމަށް ސިވިލް ސާވިސް ކޮމިޝަނާއި އެކު މަޝްވަރާކުރަމުންދާކަމަށެވެ.އަދި މުވައްޒަފުން ވަކިކުރާނީ އެއްފަހަރާއި ނޫންކަމަށާއި މުވައްޒަފުންނަށް އެކަށީގެންވާ ނޯޓިސްއެއް ދޭނެކަމަށްވެސް ޝާމިން ވަނީ ފާހަގަކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
