ރައީސް މުޢިއްޒާއެކު ބާއްވާ ބައްދަލުވުމުގެ ކުރިން ސުވާލު ހުށަހަޅަންޖެހޭ ކަމަށް ބުނެ ފަތުރަނީ ދޮގެއް: ތަރުޖަމާނު
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބާއްވަވާ ބައްދަލުވުންތަކުގައި އެ ބައްދަލުވުމުގެ ކުރިން ސުވާލު ނުވަތަ ޚިޔާލު ހުށައަޅަންޖެހޭކަމަށްބުނެ ބައެއް ފަރާތްތަކުން ދައްކަމުންދާ ވާހަކަތަކަކީ ދޮގު ވާހަކަތަކެއް ކަމަށް ރައީސް އޮފީހުގެ އިސް ތަރުޖަމާނު ހީނާ ވަލީދު ވިދާޅުވެއްޖެއެވެ.
ރައީސް މުޢިއްޒު އެންމެ ފަހުން މައްޗަންގޮޅި ރައްޔިތުންނާއެކު ބޭއްވެވި ބައްދަލުވުން ހޫނުވެގެން ދިޔުމާއިގުޅިގެން، ދެން ބާއްވާ އެފަދަ ބައްދަލުވުންތަކުގެ ކުރީން ސުވާލު ކުރާނެ ފަރާތްތަކާއި ސުވާލު ކަނޑައަޅަން އަނގާފައުވާ ކަމަށް ބުނެ ބައެއް އޮންލައިން ނޫސް ތަކުން އަންނަނީ ޚަބަރު ފަތުރަމުންނެވެ.
އެ ވާހަކަތަކަށް ރައްދު ދެއްވައި ހީނާ އެކސްގައި ކުރެއްވި ޕޯސްޓެއްގައި ވިދާޅުވީޱރައްޔިތުންނާ ގާތުން ބައްދަލުކުރައްވައި އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބާއްވަވާ ބައްދަލުވުންތަކުގައި އެ ބައްދަލުވުމުގެ ކުރިން ސުވާލު ނުވަތަ ޚިޔާލު ހުށައަޅަންޖެހޭކަމަށްބުނެ ބައެއް ފަރާތްތަކުން ދައްކަމުންދާ ވާހަކަތަކަކީ ކަނޑައެޅިގެން ޙަޤީޤަތާ ޚިލާފު ދޮގު ވާހަކަތަކެއް ކަމަށެވެ.
އަދި މީގެ ކުރިން ބޭއްވުނު މިފަދަ ބައްދަލުވުންތަކުގައި ބައިވެރިވެވަޑައިގެންނެވި ކޮންމެ ބޭފުޅަކަށްވެސް އެބޭފުޅެއްގެ ޚިޔާލާއި ކަންބޮޑުވާކަންކަމާއި ބެހޭގޮތުން މިނިވަންކަމާއެކު އެބޭފުޅަކު ދައްކަވަން ބޭނުންފުޅުވާ ވާހަކައެއް ދެއްކެވުމުގެ ފުރުޞަތު ރައީސުލްޖުމްހޫރިއްޔާ ދެއްވާފައިވާ ކަމަށްވެސް ވިދާޅުވިއެވެ.
ކުރިއަށްހުރި ބައްދަލުވުންތަކުގައިވެސް ޢަމަލުކުރައްވާނީ އެއުޞޫލުންނެވެ. އެއްވެސް ބޭފުޅަކު ދުރާލާ ސުވާލު ނުވަތަ ޚިޔާލު އެއްވެސް ފަރާތަކާ ޙިއްސާ ކުރައްވާކަށް ޖެހިވަޑައެއްނުގަންނަވާނެއެވެ.
ހީނާ ވަލީދު
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
