ފުލުހުންގެ ބެލުމުގެ ދަށުގއި ހުއްޓާ ނިޔާވި އަބްދުﷲ ރަޝީދު/ ފޮޓޯ: ޕީއެސްއެމް
ފުލުހުންގެ ބެލުމުގެ ދަށުގއި ހުއްޓާ ނިޔާވި އަބްދުﷲ ރަޝީދު/ ފޮޓޯ: ޕީއެސްއެމް
ހަބަރު 22 May 2023 | 13:05

އަބްދުالله ރަޝީދުގެ މަރުގެ ހާދިސާގައި ފުލުހުންގެ އިހުމާލެއް ނެތް: އިމްރާނު

ފުލުހުންގެ ބެލުމުގެ ދަށުގައި ހުއްޓާ ނިޔާވި އަބްދުالله ރަޝީދު (މާޓީ) ގެ މަރުގެ މައްސަލައިގައި ފުލުހުންގެ އެއްވެސް އިހުމާލެއް ނެތްކަން އަބްދުالله ރަޝީދުގެ ޕޯސްޓްމޯޓަމް ރިޕޯޓުންނާއި، މައްސަލައާއި ގުޅިގެން ފުލުހުން ކުރި ތަހުގީގުން ހާމަވެފައިވާކަމަށް ހޯމް މިނިސްޓަރު އިމްރާނު އަބްދުالله ވިދާޅުވެއްޖެ އެވެ.

ހޯމް މިނިސްޓަރު މިފަދައިން ހާމަކުރައްވާފައިވަނީ ރައްޔިތުންގެ މަޖިލީހުގެ މިއަދުގެ ޖަލްސާއަށް މިނިސްޓަރާއި ސުވާލުކުރުމަށް މެމްބަރުންނަށް ލިބުނު ފުރުސަތުގައި މަޖިލީހުގެ މަޑަވެލި ދާއިރާގެ މެމްބަރު ހުސެއިން ފިރުޝާން ކުރެއްވި ސުވާލަށް ޖަވާބުދެއްވަމުން ނެވެ.

ފިރުޝާން ވިދާޅުވީ ފުލުހުންގެ ބެލުމުގެ ދަށުގައި ހުއްޓާ ނިޔާވި އަބްދުالله ރަޝީދުގެ ޕޯސްޓްމޯޓަމް ހެދުމަށްފަހު މިހާތަނަށް ފުލުހުންގެ ފަރާތުން އާއިލާއަށް އެންމެ ފޯނުކޯލެއް ވެސް ކޮށްފައި ނުވާކަމަށެވެ.

އެ މައްސަލަ ތަހުގީގުކުރާނެކަމަށް ފުލުހުން ބުނެފައިވާއިރު، މިހާރު އެ މައްސަލަ އޮތީ ކިހާ ހިސާބެއްގައިތޯ ފިރުޝާނު ވަނީ އައްސަވާފަ އެވެ.

މަޑަވެލި ދާއިރާގެ މެމްބަރު ހުސެއިން ފިރުޝާން 

"މިއަދަކީ 22 މޭ 2023، މި އަންނަ ބުރާސްފަތި ދުވަހަކީ ފުލުހުންގެ ބެލުމުގެ ދަށުގައި ހުއްޓާ ނިޔާވި އަބްދުالله ރަޝީދުގެ މަރަށް 7 މަސް ފުރޭ ދުވަސް. ކޮންކަމެއް ތޯ ކުރެވުނީ އެ މައްސަލައިގަ؟ ވަޒީރު ވިދާޅުވެދެއްވާ ކޮން ކަމެއްތޯ ކުރެވުނީ. ޕޯސްޓްމޯޓަމް ހެދިފަހުން އެންމެ ފޯނުކޯލެއް ވެސް އާއިލާއަށް ގޮއްސައެއް ނުވޭ. ޕޯސްޓްމޯޓަމް ހެދިފަހުން ތިބޭފުޅުންގެ އެއްވެސް ޚަބަރެއް ނުވޭ. ފުލުހުންގެ ތަހުގީގަށް ވީ ގޮތެއް ނޭނގޭ."

މަޑަވެލި ދާއިރާގެ މެމްބަރު ހުސެއިން ފިރުޝާން

ފިރުޝާނުގެ ސުވާލަށް ޖަވާބުދެއްވަން ފައްޓަވަމުން މިނިސްޓަރު ވިދާޅުވީ އަބްދުالله ރަޝީދުގެ ޕޯސްޓުމޯޓަމް ހެދީ އެ މައްސަލަ ތަހުގީގުކުރުމުގެ ބޭނުމުގައި ކަމަށެވެ. އެންމެ ބޮޑަށް ޔަގީންކުރަން ބޭނުންވީ އަބްދުالله ރަޝީދުގެ މަރުގެ މައްސަލައިގައި ފުލުހުންގެ އިހުމާލެއް އޮތްކަން ނުވަތަ ނެތްކަން ކަމަށް މިނިސްޓަރު ވިދާޅުވި އެވެ.

"އެ މައްސަލަ ތަހުގީގުކުރުމަށްޓަކައި ޕޯސްޓްމޯޓަމް ހެދުނީ. އަޅުގަނޑު ހިތުން އެކަމުގައި ޔަގީންކުރަން ބޭނުންވީ ފުލުހުންގެ ސީދާ އަމަލެއް އޮވެގެން ތޯ ނޫނީ ފުލުހުން އެކަމުގައި އިހުމާލެއް އޮވެގެން ތޯ އަބްދުالله ރަޝީދު މަރުވުމަށް މެދުވެރިވީ"

މަޑަވެލި ދާއިރާގެ މެމްބަރު ފިރުޝާން

އެކަން ފާހަގަކުރައްވާ މިނިސްޓަރު ވިދާޅުވީ ފުލުހުންގެ ބެލުމުގައި ހުއްޓާ އަބްދުالله ރަޝީދު ނިޔާވީ ފުލުހުންގެ އިހުމާލުންކަން ސާބިތުވާނެ އެއްވެސް ހެއްކެއް އެ ތަހުގީގުން ފެންނަން ނެތް ކަމަށެވެ.

މިނިސްޓަރު ވިދާޅުވީ އެ މައްސަލައިގައި ފުލުހުންގެ އިހުމާލެއް އޮތްކަމަށް ކުރެވެނީ ހަމައެކަނި ތުހުމަތުތަކެއް ކަމަށެވެ. އެހެން ނަމަވެސް އެއީ އެކަން ސާބިތުވާނެ އެއްވެސް ކަމެއް ފުލުހުންގެ ތަހުގީގުން ފެންނަން ނެތް ކަމަށާއި، ދެން އިތުރަށް އެ މައްސަލައިގައި ކުރެވޭނެ ކަމެއް ނެތްކަމަށް މިނިސްޓަރު ވިދާޅުވި އެވެ.

ހޯމް މިނިސްޓަރު އިމްރާނު އަބްދުالله 

"ފުލުހުންގެ ސީދާ އަނިޔާއެއް އޮވެގެންތޯ ނުވަތަ ގަސްދުގައި އިހުމާލެއް އޮވެގެން އޭނަ (އަބްދުالله ރަޝީދު) މަރުވުމަށް ދިމާވިކަމަށް ސާބިތުވާނެ އެއްވެސް ހެއްކެއް އަޅުގަނޑުމެންނަށް ލިބޭކަށް ނެތް. ތުހުމަތެއް ކުރެވެމުން ނުވަތަ ވާހަކައެއް ދެކެވެމުން އެއީ އެކަމަކަށް އަޅުގަނޑަށް އިތުރަކަށް ކުރެވޭނެ ކަމެއް އޮންނާނެ ކަމެއް ނޫން"

ހޯމް މިނިސްޓަރު އިމްރާނު އަބްދުالله

ރަޝީދު ނިޔާވެފައިވަނީ ފުލުހުންގެ ބެލުމުގެ ދަށުގައި ހުއްޓާ އޭނާގެ މެއަށް ތަދެއް އަރައި ސީޒަރގެ ޢަލާމާތްތަކެއް ފެނުމާއި ގުޅިގެން އޭނާ ގދ.މަޑަވެލި ސިއްޙީ މަރުކަޒަށް ގެންދިޔަ މަގުމަތީގައިކަމަށް ފުލުހުންވަނީ ހާމަކޮށްފަ އެވެ.

އެކަމާއި ގުޅޭގޮތުން އާއިލާއިން ބުނީ ފުލުހުންގެ ބެލުމުގެ ދަށުގައި ހުއްޓާ 43 އަހަރުގެ އަބްދުالله ރަޝިދު ނިޔާވެފައިވަނީ 2 ގަޑިއިރެއްހާއިރު ފަރުވާއެއް އެދި އާދޭސްކުރުމަށްފަހު ކަމަށެވެ.

އާއިލާއިން ބުނިގޮތުގައި އަބްދުالله އަށް ސިއްހީ ފަރުވާދިނުމަށް މަޑަވެލި ދާއިރާގެ މެމްބަރު ހުސެއިން ފިރުޝާން އާއި މަޑަވެލީ ކައުންސިލްގެ ނައިބު ރައީސް ވެސް ފުލުހުންނަށް ދަންނަވަމުން ދިޔައެވެ.

އޭނާ ހޮސްޕިޓަލަށް ނުގެންދެވޭނަމަ އެތަނަށް ޑޮކަޓަރެއް ގެނެވިދާނެކަމަށް ބުނެފައިވާކަމަށް ވެސް އާއިލާއިން މީޑިއާތަކަށް މައުލޫމާތުދެމުން ކިޔައިދީފައިވެއެވެ. އެހެން ނަމަވެސް އޭނާއަށް ސިއްހީ ފަރުވާ ދިނުުގެ ފުރުސަތު ފުލުހުން ދީފައެއް ނުވެއެވެ.

މަރުހޫމު އަބްދުالله ރަޝީދުގެ މަންމަ 

އަބްދުالله ރަޝީދުގެ ޕޯސްޓްމޯޓަމް ހަދާފައިވަނީ އާއިލާގެ ނުރުހުމުގައި ކޯޓު އަމުރެއް ހޯދައިގެންނެވެ.

އެހެން ނަމަވެސް އެފަހުން އެ ތަހުގީގާއި ގުޅޭ އެއްވެސް މައުލޫމާތެއް އާއިލާއަށް ދީފައި ނުވާކަމަށް އަދި އަބްދުالله ރަޝީދުގެ މަރުގެ މައްސަލައިގައި ފުލުހުންގެ ބޮޑު އިހުމާލެއް އޮތްކަމަށް ތުހުމަތުކުރައްވަމުން ގެންދަވާ، މަޑަވެލި ދާއިރާގެ މެމްބަރު ފިރުޝާނު ވަނީ ވިދާޅުވެފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.