ބައިނަލްއަޤްވާމީ އެކުވެރިކަމުގެ މެޗްތަކަށް ރާއްޖޭގެ ޤައުމީ ފުޓްބޯޅަ ޓީމް ފުރައިފި

ބައިނަލްއަޤްވާމީ އެކުވެރިކަމުގެ މެޗްތަކެއް ކުޅުމަށްޓަކައި ދިވެހިރާއްޖޭގެ ޤައުމީ ފުޓްބޯޅަ ޓީމް މިއަދު ފުރައިފިއެވެ.

މި ދަތުރުގައި ރާއްޖޭގެ ޤައުމީ ޓީމު އެންމެ ފުރަތަމަ ނިކުންނާނީ ޗައިނާއާ ދެކޮޅަށެވެ. ޗައިނާގައި ކުޅުމަށް ހަމަޖެހިފައިވާ މި މެޗު އޮންނާނީ އަންނަ ބުރާސްފަތި ދުވަހުއެވެ.

ޗައިނާގެ އިތުރުން މި ދަތުރުގައި ރާއްޖޭގެ ޤައުމީ ޓީމުން ކިރިގިސްތާން އަދި ލުބުނާނުގެ ޤައުމީ ޓީމާ ދެކޮޅަށްވެސް އެކުވެރިކަމުގެ މެޗުތައް ކުޅުމަށް ވަނީ ހަމަޖެހިފައެވެ.

މި އެކުވެރިކަމުގެ މެޗުތަކަކީ އަންނަ ނޮވެމްބަރު މަހު ބަންގްލަދޭޝްގައި ބޭއްވުމަށް ތާވަލުކުރެވިފައިވާ ސާފް ޗެމްޕިއަންޝިޕް ފުޓްބޯޅަ މުބާރާތަށް ތައްޔާރުވުމުގެ ގޮތުން ޤައުމީ ޓީމުން ކުޅޭ މުހިންމު މެޗުތަކެކެވެ. މި މެޗުތަކުގެ ސަބަބުން މުބާރާތުގެ ކުރިން ޓީމުގެ ފެންވަރު ވަޒަންކޮށް، ކުޅުންތެރިންގެ މެދުގައި އޮންނަ ގުޅުން އިތުރަށް ބަދަހިވެގެންދާނެ ކަމަށް ޤައުމީ ކޯޗް އުރުބާނީ ވަނީ ފާަހަގަކޮށްފައެވެ.

ޤައުމީޓީމް އެކުވެރިކަމުގެ މެޗްތަކެއް ކުޅުމަށް ފުރިއިރު، މިފަހަރު ޤައުމީ ޓީމުގެ ހެޑް ކޯޗު، ހަންގޭރީގެ އިސްތަވާން އުރުބާނީގެ އެސިސްޓަންޓް ކޯސަކަށް ހުންނާނީ ކުރީގެ ޤައުމީޓީމްގެ ޑިފެންޑަރު ސޮބާ މުހައްމަދެވެ