ލަކުސަނަ ގެ ޕޯސްޓަރެއް: ޕޯސްޓަރ/ ޕީސް ފައުންޑޭޝަން
ލަކުސަނަ ގެ ޕޯސްޓަރެއް: ޕޯސްޓަރ/ ޕީސް ފައުންޑޭޝަން
ހަބަރު 26 Jul 2024 | 13:10

ހުރިހާ އުމުރުފުރާއެއްގެ ބޭފުޅުންނަށް ޚާއްސަ ހަރަކާތްތަކާއެކު، ޕީސް ފައުންޑޭޝަންގެ "ލަކުސަނަ" މިފަހަރު ތ. ވިލުފުށީގައި

ޕީސް ފައުންޑޭޝަނުން ހިންގާ ދީނީ އަދި އިޖްތިމާޢީ ހަރަކާތްތަކުގެ ޕްރޮގްރާމް "ލަކުސަނަ" ތ. ވިލުފުށީގައި ބާއްވަން ތައްޔާރުވެއްޖެއެވެ.

ލަކުސަނަ އަކީ 4 ދުވަހުގެ މުއްދަތަށް ކުރިއަށްދާ، އެއް ރަށަކަށް ޚާއްޞަކޮށްގެން އެ ރަށުގެ މުޅި މުޖުތަމަޢުއަށް ފައިދާކުރާނެ ގޮތަށް ފަރުމާކުރެވިފައިވާ ޕްރޮގްރާމެކެވެ. މި ޕްރޮގްރާމްގައި ރަށުގެ ކުދި ބޮޑު އެންމެންނަށް ޚާއްޞަ ހަރަކާތްތައް ހިމެނެއެވެ.

ޕީސް ފައުންޑޭޝަނުން “ވޮއިސް” އަށް މައުލޫމާތު ދީފައިވާ ގޮތުގައި މި ޕްރޮގްރާމް މިފަހަރު ތ. ވިލުފުށީގައި ބާއްވަން ހަމަޖެހިފައިވަނީ ޖުލައި 31 އިން އޮގަސްޓް 3 އަށެވެ. އަދި މި ޕްރޮގްރާމް ކުރިއަށް ގެންދަނީ ވިލުފުށީ ހެޔޮބަސް ޖަމިއްޔާއާއި ގުޅިގެން ކަމަށާ، ޕްރޮގްރާމްގެ ހޯސްޓިންގ ޕާޓްނަރަކީ ރަށު ކައުންސިލް ކަމަށް ޕީސް ފައުންޑޭޝަނުން މައުލޫމާތު ދެއެވެ.

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

“މި ޕްރޮގްރާމް ހިންގުމުގައި ރަށު ކައުންސިލާއި އެހެނިހެން މުއައްސަސާތަކުން ވަރަށް ބޮޑު އެހީތެރިކަމެއް ދަނީ ލިބެމުން” ޕީސް ފައުންޑޭޝަނުން ބުންޏެވެ.

ޕީސް ފައުންޑޭޝަނުން އިތުރަށް ބުނީ، މި ޕްރޮގްރާމްގައި ދީނީ އަދި އިޖްތިމާޢީ އެކި އެކި ހަރަކާތްތައް ކުރިއަށްދާނެ ކަމަށެވެ. އެގޮތުން، ނަމާދާ ގުޅޭ ވޯކްޝޮޕްތަކާއި، ޢަޤީދާގެ ވޯކްޝޮޕްތަކުގެ އިތުރުން، ބޮޑެތި މީހުންނަށް ޚާއްޞަ ވޯކްޝޮޕްތަކާއި ކުޑަކުދިންނަށް ޚާއްޞަ ވޯކްޝޮޕްތައް ވެސް ހިމެނޭކަން ފާހަގަކޮށްފައިވެއެވެ.

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

އަދި މުއައްސަސާތަކުގެ ވެރިންނަށް ބާއްވާ 'ނަމޫނާ ވެރިން'، މުދައްރިސުންނަށް ބާއްވާ 'ނަމޫނާ މުދައްރިސް'، މަންމައިންނާއި ބައްޕައިންނަށް ވަކިން ބާއްވާ ދަރިން ތަރުބިއްޔަތު ކުރުމާ ގުޅޭ ވޯކްޝޮޕް، ސްކޫލް ސީނިއަރ ގްރޭޑްތަކަށް ބާއްވާ 'ފުރާވުނަ' ޕްރޮގްރާމްވެސް ހިމެނޭ ކަމަށް އެ ޖަމިއްޔާއިން ބުނެފައިވެއެވެ.

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

‘ފުރާވުނަ’ އަކީ މިހާތަނަށް ޖެއްސުނު އެންމެ ކާމިޔާބު ޕްރޮގްރާމް. އެ ޕްރޮގްރާމް ތަކުގެ އިތުރުން، އަންހެން ކުދިންނަށް ޚާއްޞަކޮށްގެން ބާއްވާ ގާރލްސް ޒޯން، އަންހެނުންނަށް ޚާއްޞަ 'ކާމިޔާބު އުޚްތާ' އަދި 'ދުރާލާ' (ނަފްސާނީ ދުޅަހެޔޮކަމާގުޅޭ ވަރކްޝޮޕްއެއް) ކުރިއަށް ދާނެ. އަދި މީނޫންވެސް ލީޑަރޝިޕް ޕްރޮގްރާމްތަކާއި، ވަރކް އެތިކްސް އެންޑް ޕްރޮޑަކްޓިވިޓީ، އިސްރާފުވެހިންނަށް ބާއްވާ 'ޚަޒާނާ'އަދި ހަމައެހެންމެ، ފުޓްބޯޅަ އަދި ވޮލީބޯޅަ ކޭމްޕްތަކާއި، ކުޑަކުދިންގެ ހަވީރެއްވެސް ކުރިއަށް ދާނެ.

ޕީސް ފައުންޑޭޝަން

މި ޕްރޮގްރާމް ތަކާއި އެކު، މަޝްހޫރު ފުޓުބޯޅަކުޅުން ތެރިޔާ، އަދި ގައުމީ ޓީމުގެ ކުރީގެ ކެޕްޓަން އަކްރަމް އަބްދުލްޣަނީ (އަކޫ)ގެ 'ތަށި އުފުއްލާލި އިހުސާސް' ނަމުގައި ޚާއްސަ އިވެންޓެއްވެސް ލަކުސަނަ ޕްރޮގްރާމްގެ ދަށުން ކުރިއަށް ދާއިރު މިފަހަރުގެ ލަކުސަނާގައި ވަނީ މުޅިން އާ ޕްރޮގްރާމެއްވެސް ފަރުމާ ކޮށްފައި ކަމަށް ޕީސް ފައުންޑޭޝަނުން މައުލޫމާތު ދެއެވެ.

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

މީގެ ނަމަކީ 'ފުރަދާނަ'. މިއީ ލަކުސަނާ ދުވަސްތަކުގައި އުމުރުން 14-18 ގެ ކުދިން ބައިވެރިކޮށްގެން ހިންގާ ސެމީ-ކޭމްޕެއް. މި ކޭމްޕަކީ އެކި އެކި ދާއިރާތައް ކަވަރވާ، ވަށާޖެހޭ ގޮތަށް ފަރުމާ ކުރެވިފައިވާ ޕްރޮގްރާމެއް. މީގެ ތެރޭގައި ދީނީ ބައިތަކާއި، ލީޑަރޝިޕް، ޓީމް ވަރކް، ކެރިއަރ ބިލްޑިންގ ފަދަ ބައިތައް އެކުލެވޭނެ. މިއީ އިންޓަރެކްޓިވް ގޮތަކަށް ކުރިއަށް ގެންދާ، މަޖާކުރުވަނިވި، އެހެންނަމަވެސް މަޢުލޫމާތު ދޭ އަދި ފައިދާހުރި ޕްރޮގްރާމަކަށް ވެގެން ދާނެ. މި ޕްރޮގްރާމުގައި ޕިކްނިކް ތަކާއި އަދި ބޮންފަޔަރ އޮންނާނެ. ރަށުގެ ޕޮލިސްގެ ފަރާތުން ޚާއްޞަކޮށް މި ޕްރޮގްރާމަށް ވަރަށް ބޮޑަށް އެހީ ލިބެމުންދާ ކަންވެސް ފާހަގަ ކޮށްލަން

ޕީސް ފައުންޑޭޝަން
2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

ލަކުސަނަގެ އެކިއެކި ދާއިރާ ތަކުން ސެޝަންތައް ނަންގަވައި ދެއްވާނީ ކަމުގެ ތަޖުރިބާ ހުރި ޢިލްމީ ބޭފުޅުން ކަމަށް ޕީސް ފައުންޑޭޝަނުން ބުނެއެވެ.

އެގޮތުން، ދީނީ ސެޝަންތައް ނަންގަވައިދެއްވާނީ ފުންނާބު އުސް ދީނީ ޢިލްމުވެރިން ކަމަށްވާއިރު، އޭގެ ތެރޭގައި ހިމެނެނީ:

1. ޝައިޚް މުޙައްމަދު މަންޞޫރު: ޑީން، ކުއްލިއްޔަތުލް ޤުރްއާން އެންޑް ސުންނާ، އައި.ޔޫ.އެމް

2. ޝައިޚް ނިމާލް މުޙައްމަދު: ޑީން، ކުއްލިއްޔާ އޮފް އިސްލާމިކް ރިވީލްޑް ނޮލެޖު، އައި.ޔޫ.އެމް

3. ޝައިޚް ޝުޢައިބު ނާޒިމް: ޙަދީޘް އުސްތާޛު، ޢަރަބިއްޔާ ސްކޫލް

4. ޝައިޚް މުޙައްމަދު ޝާހިދު: ލެކްޗަރަރ، އެމް.އެން.ޔޫ

5. ޝައިޚް ޙާތިމް ޔޫސުފް: ޓީޗަރު، ވީ.އައި.އެޗް.އެސް

6. ޝައިޚް މުޙައްމަދު އަފްޟަލް: އިމާމު. އަދި ޢަޤީދާ އަދި ފަލްސަފާގެ ދާއިރާއަށް ޚާއްސަ ބޭފުޅެއް.

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

އިޖްތިމާޢީ އަދި ފަންނީ ޕްރޮގްރާމްތައް ނަންގަވައިދެއްވާ، އެ ދާއިރާތަކުން ރާއްޖޭގެ ފުންނާބު އުސް ބޭފުޅުންގެ ތެރޭގައި ހިމެނޭ؛

1. އަޙްމަދު މުޙައްމަދު ދީދީ: އެޗް.އާރު ޓްރެއިނަރު، އެކްސްޕަރޓް ސްޕީކަރު، ޗާޓަރޑް އެމް.ސީ.އައި.ޕީ.ޑީ

2. މުޙައްމަދު ސާޖިދު (ކާއްޓޭ): ސީނިއަރ ވައިސް ޕްރެޒިޑެންޓް، ވީ.އޭ.އެމް

3. އަކްރަމް ޢަބްދުލްޣަނީ: ގައުމީ ޓީމްގެ ކުރީގެ ކެޕްޓަން

4. ޝަމްވީލް މުޙައްމަދު: ޒުވާން އަރަމުންދާ ފުޓްބޯޅަ ކުޅުންތެރިޔާ

2023 ވަނަ އަހަރުގެ ލަކުސަނަ ޕްރޮގްރާމްގެ ތެރެއިން: ފޮޓޯ/ ޕީސް ފައުންޑޭޝަން

5. މޫސާ ޝިފާޢު: 'ޕެބަލްސް، ކުޑަކުދިންގެ ހަވީރު' މެނޭޖްކޮށް ހުށަހަޅައި ދެއްވާނެ. ޝިފާއު އަކީ މި ދާއިރާއިން ތަޖުރިބާ ހުރި އަދި ދިވެހިރާއްޖޭގައި އެންމެ މަޤްބޫލު މަދަޙަ ކިޔާ މީހުންގެ ތެރެއިން އެކަކު.

6. ޢާއިޝަތު ފަހުދާ ޚަލީލް (ހުދާ): އަންހެނުންނާއި އަންހެން ކުދިންނަށް ޕްރޮގްރާމްތައް ހިންގާނެ. ހުދާ އަކީ އިސްލާމިކް ލައިފް ކޯޗެއް، އަދި ސްކޫލް ކައުންސެލާރއެއް.

7. މުހައްމަދު ޞޮބާޙް (ޗޭ): ޕީސް ފައުންޑޭޝަންގެ ފައުންޑަރެއް، އަދި ޖެނެރަލް ސެކެރެޓަރީ، މޯލްޑިވްސް ސާފިންގ އެސޯސިއޭޝަންގެ ރައީސް، އަދި ވިޔަފާރިވެރިއެއް.

ތ. ވިލުފުށީގައި މިފަހަރު ބާއްވާ ލަކުސަނަ ޕްރޮގްރާމަކީ މީގެ 4 ވަނަ ޕްރޮގްރާމެވެ. މީގެ ކުރިން މި ޕްރޮގްރާމް ހިންގާފައިވަނީ ރ. މީދޫ، ދ. ކުޑަހުވަދޫ އަދި ތ. ގުރައިދޫގައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އޭޝިއަން ސާފިން ފެޑެރޭޝަނުގެ ނައިބު ރައީސްކަމަށް ޗޭ އިންތިޚާބުވެއްޖެ
07 Aug 2026 ކުޅިވަރު

އޭޝިއަން ސާފިން ފެޑެރޭޝަނުގެ ނައިބު ރައީސްކަމަށް ޗޭ އިންތިޚާބުވެއްޖެ

އޭޝިއަން ސާފިން ފެޑެރޭޝަން (އޭއެސްއެފް) ގެ ނައިބު ރައީސްކަމުގެ މަގާމަށް، ޕީސް ފައުންޑޭޝަނުގެ ޖެނެރަލް ސެކްރެޓަރީ މުޙައްމަދު ސޯބާ (ޗޭ) އިންތިޚާބުވެއްޖެއެވެ. ޕީސް ފައުންޑޭޝަނުން ޗޭ ފޭސްބުކުގައި ކުރި ޕޯސ...