ކޫންޔާގެ ގޯލްތަކާއެކު، ތާވަލްގެ ކުރީގައި ބްރެޒިލް ހަމަޖެހިލައިފި

ހައިޓީ ބަލިކޮށް ވަރލްޑްކަޕް ގްރޫޕް ސީގެ ޕޮއިންޓް ތާވަލްގެ އެންމެ ކުރީގައި ހަމަޖެހިލައިފިއެވެ.

ބްރެޒިލް އާއި ހައިޓީ ބައްދަލުކުރިމެޗް، ބްރެޒިލް ކާމިޔާބުކުރީ 3-0 ގެ ނަތީޖާއިންނެވެ. މެޗްގައި ފެނިގެންދިޔަ ހުރިހާ ގޯލެއްވެސް ޖަހާފައިވަނީ، ފުރަތަމަ ހާފްގެ ތެރޭގައެވެ. މި މެޗްގައި ބްރެޒިލްގެ ކޫންހާ ވަނީ ދެ ލަނޑު ޖަހައުދީފައެވެ. އެގޮތުން ފުރަތަމަ ލަނޑު ޖަހާފައިވަނީ، 23 ވަނަ މިނެޓް ތެރޭގައެވެ. އަދި ދެވަނަ ލަނޑު ޖަހާފައިވަނީ، 36 ވަނަ މިނެޓްތެރޭގައެވެ.

ބްރެޒިލްގެ ތިންވަނަ ލަނޑު ޖަހައިދިނީ، ވިނީޝިއަސް ޖޫނިއާ އެވެ. ހައިޓީއާ ދެކޮޅަށް ނިކުންްއިރު އެންމެފަހުން މޮރޯކޯއާ ދެކޮޅަށް ކުޅުނުމެޗް އެއްވަރުވުމުން މިމެޗް ކާމިޔާބުކުރުން ބްރެޒިލްއަށް އޮތީ މަޖުބޫރުވެފައެވެ. ރެޒިލަށް މި މެޗުގައި ކުރިމަތިވި ހަމައެކަނި ހިތްދަތި ކަމަކީ މެޗުގެ 40 ވަނަ މިނެޓުގައި އަނިޔާގެ ސަބަބުން ރަފީނިއާ ބަދަލުކުރަން ޖެހުމެވެ.

ރަފީނިއާގެ ބަދަލުގައި ބޯންމައުތަށް ކުޅެމުން އަންނަ ރަޔާން ކުޅެން އެރިއިރު، ނޭމާ އަދިވެސް ހުރީ ފައިގެ ކުޑަހުޅަށް ލިބުނު އަނިޔާއިން މުޅިން ރަނގަޅު ނުވެއެވެ. މެޗުގެ ދެވަނަ ހާފުގައި ޒުވާން ކުޅުންތެރިޔާ އެންޑްރިކް ވަނީ އޭނާގެ ފުރަތަމަ ވޯލްޑް ކަޕް މެޗު ކުޅެފައެވެ.

މި މޮޅާއެކު ލަނޑުގެ ތަފާތުން ބްރެޒިލް މިހާރު އޮތީ ގްރޫޕް ސީގެ އެއްވަނައިގައެވެ. ނަމަވެސް، އަންނަ ބުދަ ދުވަހު ސްކޮޓްލޭންޑާ ދެކޮޅަށް ކުޅޭ ފަހު މެޗަކީ ގްރޫޕްގެ އެއްވަނަ ކަށަވަރުކުރުމަށް މުހިންމު މެޗެކެވެ. ކުޅުނު ދެވަނަ މެޗުން ބަލިވުމާއެކު، ހައިޓީ ވެފައިވަނީ މި މުބާރާތުން ކަޓައިގެންދިޔަ ފުރަތަމަ ގައުމަށެވެ.