ކޮމިޝަނަށް ލިބެންޖެހޭ ފައިސާ ހޯދުމުގައި ބްރޯޑްކާސްޓިން ކޮމިޝަން ފަރުވާކުޑަ: އޮޑިޓަރ ޖެނެރަލް

ބްރޯޑްކާސްޓިން ކޮމިޝަނަށް ލިބެންޖެހޭ ފައިސާ ހޯދުމުގައި އެ ކޮމިޝަނުން މާލިއްޔަތު ޤަވާއިދާ އެއްގޮތަށް އަމަލުކުރަމުން ގެންގޮސްފައިނުވާކަމަށް އޮޑިޓަރ ޖެނެރަލް ވިދާޅުވެއްޖެއެވެ.

އޮޑިޓަރ ޖެނެރަލް ހުސައިން ނިޔާޒީ ނެރުއްވާފައިވާ ބްރޯޑްކާސްޓިން ކޮމިޝަނުގެ 2022 ވަނަ އަހަރުގެ އަހަރީ ރިޕޯޓްގައި ބުނެފައިވަނީ، އެ ކޮމިޝަނަށް ލިބެންޖެހޭ ފައިސާގެ އަދަދު 26.5 މިލިއަން ރުފިޔާއަށް އަރާކަމަށެވެ. އޮޑިޓަރ ޖެނެރަލްގެ ރިޕޯޓްގައިވާގޮތުން އެ ފައިސާ ހޯދުމަށް ދައުލަތުގެ މާލިއްޔަތުގެ ޤަވާއިދު އަދި ބްރޯޑްކާސްޓް ކުރުމުގެ ޤަވާއިދާ އެއްގޮތަށް ކޮމިޝަނުން އަމަލުކުރަމުން އައިސްފައެއް ނުވެއެވެ.

އޮޑިޓަރ ޖެނެރަލް ވަނީ ބްރޯޑްކާސްޓިން ކޮމިޝަނަށް ލިބެންޖެހޭ ފައިސާ ހޯދުމަށް އެކޮމިޝަނުން ކުރި މަސައްކަތްތައް ފާހަގަކޮށްފައެވެ. އެގޮތުން ފައިސާ ހޯދުމަށްޓަކައި ނޯޓިސް ފޮނުވިނަމަވެސް އިތުރު ފިޔަވަޅުތައް އަޅަމުން ގެންގޮސްފައި ނުވާަކަމަށް އޮޑިޓަރ ޖެނެރަލްގެ ރިޕޯޓްގައި ވަނީ ބުނެފައެވެ.

އެގޮތުން ކޮމިޝަނަށް ލިބެންޖެހޭ ފައިސާގެ ތެރޭގައި ނުލިބި ގިނަ އަހަރުވެފައިވާ ފައިސާ ހިމެނޭކަންވެސް އޮޑިޓަރ ޖެނެރަލް ވަނީ ރިޕޯޓްގައި ފާހަގަކޮށްފައެވެ.

2022 ވަނަ އަހަރުގެ ނިޔަލަށް ނުލިބިވާ ފައިސާގެ ތަފްސީލް:

ވޮއިސްއަށް މައުލޫމާތު ލިބިފައިވާ ގޮތުގައި ބްރޯޑްކާސްޓިން ކޮމިޝަނަށް ލިބެންޖެހޭ ފައިސާގެ ތެރެއިން އެންމެބޮޑު އަދަދެއް ހިއްސާ ކުރަނީ ދައުލަތުގެ މީޑިއާއިންނެވެ. މީގެ އިތުރުން ބައެއް އަމިއްލަ ޓީވީ ޗެނަލްތަކުންވެސް ބްރޯޑްކާސްޓިންފީ ނުދައްކާ ހުރިކަމަށް މައުލޫމާތު ލިބެއެވެ.