”ސްޕޫން ފީޑް“ ކޮށްގެން ދަރިވަރުންނަށް ކިޔަަވައިދިނުމުގެ ވައްޓަފާޅި ބަދަލުކުރަންޖެހޭ: ވަޒީރު ޝަފީޢު
ލިޔުންތެރިޔާ
ޚަދީޖާ އަރުފާ
ދަރިވަރުންނަށް ”ސްޕޫން ފީޑުކޮށް“ އެ ކުދިން ކިޔެވުމުގެ އެއްވެސް ޒިންމާއެއް ނުނަގާގޮތަށް ކިޔަވައިދިނުމުގެ ވައްޓަފާޅި ގެންގުޅުމުގެ ބަދަލުގައި، ކިޔެވުމަށް ޒިންމާވާ ބައެއްގެ ގޮތުގައި ދަރިވަރުން ބިނާ ކުރުމަށް ތަައުލީމީ ވަޒީރު ޑރ. އިސްމާއިލް ޝަފީޢު އެދިވަޑައިގެންފިއެވެ.
ދިރާސީ އައު އަހަރު މިއަދު ފެށިފައިވާއިރު، ހުޅުމާލޭގައި މި އަހަރު އަލަށް ހުޅުވާ، ޝަހީދު ޢަލީ ސުކޫލްގައި ކިޔަވަން ފެށުމުގެ ގޮތުން ބޭއްވި ރަސްމކއްޔާތުގައި ވާހަކަދައްކަވަމުން ވަޒީރު ވިދާޅުވީ، އަދުގެ ދަރިވަރުންނަކީ ޤައުމުގެ މުސްތަޤުބަލު ކަމަށެވެ. އަދި އެދަރިވަރުންނަކީ ކާމިޔާބު އަދި ޒިންމާދާރު ބަޔަކަށް ހެދުމަށް އެންމެން މަސައްކަތް ކުރަންވާނެކަމަށެވެ.
އެންމެ މުހިންމު ކަމަކަށް މި ދިރާސީ އަހަރުގައި ކުރަން ރާވާފައިވާ ކަމަކީ ދަރިވަރުންގެ ކިބައިގައި ރިވެތި އަޚުލާގާއި، ރިވެތި ސުލޫކު ގާއިމް ކުރުމަށްޓަކައި މުޅި އަހަރުތެރެއަށް ބަހާލައިގެން ކުރިއަށްގެންދާ ތަރުބަވީ ޚާއްސަ ޕްރޮގްރާމެއް މިނިސްޓްރީން މިހާރު ވަނީ ތަރުތީބު ކޮށްފައި. އެ ޕްރޮގްރާމް. އިރާދަކުރެއްވިއްޔާ ފެބްރުއަރީ މަހު ފެށޭނެ.
ތަައުލީމީ ވަޒީރު ޑރ. އިސްމާއިލް ޝަފީޢު
މިއާއެކު ވަޒީރު ވަނީ ދަރިވަރުންނަކީ އަމިއްލަ އުނގެނުމަށް ޒިންމާވާ ބައެއްގެ ގޮތުގައި ބައްޓަންކުރުމަށް ބެލެނިވެރިންނާއި ޓީޗަރުންގެ ކިބައިން އެދިވަޑައިގެންފައެވެ.
އަބަދުމެ ސްޕޫންފީޑް ކޮށްގެން، އަބަދުމެ ކައިރީގައި ބައިންދައިގެން ކިޔަވައިދިނުމުގެ ވައްޓަފާޅި ބަދަލުކުރަންއެބަޖެހޭ. ފިކުރާއި ވިސްނުން ތަރައްޤީވާނީ އޭރުން. ދަރިވަރުންނަށް ކިޔެވުމަށް މިނިވަންކަންދޭން އެބަޖެހޭ.
ތަައުލީމީ ވަޒީރު ޑރ. އިސްމާއިލް ޝަފީޢު
އަމިއްލަ އުނގެނުމަށް ޒިންމާދާރު ޖީލެއް ބިނާކުރެވިއްޖެނަމަ، މަސައްކަތުގެ މާހަލުގަޔާއި އަމިއްލަ ދިރިއުޅުމާމެދުވެސް ޒިންމާދާރު ޖީލެއް ބިނާކުރެވޭނެ ކަމަށް ވަޒީރު ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
