ފާއިތުވި 24 ގަޑިއިރު އެންމެ ބޯކޮށް ވާރޭ ވެހުނީ މާލެ އަށް

މިހާރު ރާއްޖެއަށް ކުރަމުންދާ ވިއްސާރައިގައި އެންމެ ގިނައިން ވާރޭވެހުނީ ކ.މާލެ އަށް ކަމަށް މުސުމާ ބެހޭއިދާރާއިން ބުނެފިއެވެ.

އެގޮތުން މާލެއަށް ވަނީ 89.4 މިލިމީޓަރުގެ ވާރޭވެހިފައެވެ.

ދެން އެންމެ ބޯކޮށް ވާރޭވެހުނީ އއ.ތޮއްޑޫ އަށެވެ. އެރަށަށް 70.6 މިލިމީޓަރުގެ ވާރޭ ވެހިފައިވާ ކަމަށް މެޓު އެފީހުން ހާމަކޮށްފައިވެއެވެ.

މާލެއަށްކުރަމުންދާ ވިއްސާރައާ ގުޅިގެން އެމްއެންޑީއެފް މާލޭ އޭރިއާ ކޮމާންޑާއި އެކިއެކި މުއައްސަސާތައް ގުޅިގެން ކުރިއަށްގެންދާ އޮޕަރޭޝަންގައި މިހާތަނަށް 206 ގެއަކަށް އެހީތެރިވެފައިވާކަމަށް އެމްއެންޑީއެފް އިންވަނީ ބުނެފައެވެ.

‏އަދި މީގެއިތުރުން، މިކުރަމުންދާ ވިއްސާރާގައި ހއ.ހޯރަފުށި، ހއ.ކެލާ، ހއ.އިހަވަންދޫގެ އިތުރުން ހދ.ނޮޅިވަރަންފަރާއި ހދ.ހަނިމާދޫ އަދި ކުޅުދުއްފުށި ސިޓީގައި ސިފައިން ހަރަކާތްތެރިވެފައިވާކަމަށް އެމްއެންޑީއެފް އިން ވަނީބުނެފައެވެ.

މޫސުން ގޯސްވާނެ ކަމަށް ލަފާކޮށް މެޓް އޮފީބުން ވަނީ 10:00 އިން 2:00 ހއ.އަތޮޅުން ފެށިގެން އދ.އަތޮޅަށް ރީނދޫ ސަމާލުނެރެފައެވެ.

އަދި މޫސުން ގޯސް ވަގުތުތަކުގައި ވިލާގަނޑުގައި ގަޑިއަކު 25 އާއި 30 މޭލާ ދެމެދުގެ ބާރުމިނެއްގައި ވައިޖެހި ވިލާގަނޑުގައި 50 މޭލަށް ވާގަދަވެ ކަނޑުތައްވެސް ވަރަށް ގަދަވާނެ ކަމަށް ލަފާކޮށްފައިވެ އެވެ.