ޮ މިއަހަރު ނިމުމުގެ ކުރިން ބޯހިޔާވަހިކަމުގެ އާ މަޝްރޫއެއްް ފެށޭނެ: ޑރ. ހައިދަރު

މިއަހަރު ނިމުމުގެކުރިން ބޯހިޔާވެހިކަމުގެ އައު، އަދި ބިޔަ މަޝްރޫއެއް ފަށާނެ ކަމަށް ގެދޮރުވެރިކަމާއި ބެހޭ ވުޒާރާގެ ވަޒީރު ޑރ. އަލީ ހައިދަރު އަޙްމަދު ވިދާޅުވެއްޖެއެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރާ ސުވާލު ކުރުމުގެ ވަގުތުގައި ވައިކަރަދޫ ދާއިރާގެ އެމްޑީޕީ މެންބަރު ހުސައިން ޒިޔާދު ވަނީ، ބޯހިޔާވަހިކަމަށް މި ސަރުކާރުން އެންމެ ބޮޑަށް އިސްކަންދެއްވާ ކަމަށް ސަރުކާރުން ތަކުރާރުކޮށް ބުނާއިރު، ބޯހިޔާވަހިކަމުގެ އެއްވެސް އައު މަޝްރޫޢުއެއް އެއްވެސް ސަރަހަައްދެއްގައި މި ސަރުކާރުން ފެށިތޯ ސުވާލު ކުރައްވާފައެވެ.

އެ ސުވާލަށް ޖަވާބު ދެއްވަމުން ވަޒީރު ވުދާޅުވީ، މި ސަރުކާރާއި ހަވާުވިއިރު، ކުރީ ސަރުކާރުން ފަށާފައި ހުރި ބޯހިޔާވަހިކަމުގެ ވަރަށް ގިނަ މަޝްރޫޢުތައް ހުރީ ހުއްޓިފައި ކަމަށެވެ.

އެހެންކަމުން، އައު މަޝްރޫޢުއެއް ފެށެން އޮތީ، އެ މައްސަލަހައްލުކޮށް، އެ މަޝްރޫއުތައް އަލުން ފަށައިގެންކަން ފާހަގަކުރައްވައި ވަޒީރު ވިދާޅުވީ، މި ސަރުކާރުން މިވަގުތު ކުރަމުންދަނީ އެ މަސައްކަތް ކަމަށެވެ. އަދި އައު މަޝްރޫޢުއެއް ފެށިގެން ކުރިއަށްދާތަން ނުފެންނަނީވެސް، އެ ސަބަބާއި ހުރެ ކަމަށް ވަޒީރު ވިދާޅުވިއެވެ.

އެހެން ނަމަވެސް، އަޅުގަނޑު ޔަގީންކަންދެން ، މި އަހަރު ނިމުމުގެ ކުރިން އިރާދަކުރެއްވިއްޔާ، އައު މަޝްރޫޢުއެއް، ބޯހިޔާވަހިކަމުގެ ވަރަށް ބޮޑު މަޝްރޫޢުއެއް ފެށިގެންދާނެ

ވަޒީރު ޑރ އަލީ ހައިދަރު އަހުމަދު

އެ މަޝްރޫޢުއާއި ގުޅޭ އިތުރު އެއްވެސް ތަފްސީލެއް ވަޒީރު ދެއްވާފައި ނުވެއެވެ.

މި ސަރުކާރުގެ އެންމެ ބިޔަ ބޯހިޔާ ވަހިކަމުގެ މަޝްރޫޢު، ފުށިދިއްގަެރު ފަޅު ހިއްކައިގެން ރަސްމާލެ ތަރައްގީ ކުރުމުގެ މަޝްރޫޢުވެސް މިހާރު ފެށިފައިވާއިރު، އެއީ މާލެ ސަރަހައްދުގެ ބޯހިޔާވަހިކަމުގެ މައްސަލައިގެ ހައްލު ކަމަށް ރައީސް ޑރ މުހައްމަދު މުޢިއްޒު ވިދާޅުވެއެވެ.