ރޯދަ މަހަށް ތޮއްޑޫއިން 600 ޓަނުގެ ކަރާ ބާޒާރަށް ނެރެނީ

މި އަހަރުގެ ރަމަޟާން މަހާއި ދިމާކޮށް އއ. ތޮއްޑޫއިން ގާތްގަނޑަކަށް 600 ޓަނުގެ ކަރާ ބާޒާރަށް ނެރޭނެ ކަމަށް ތޮއްޑޫ ކައުންސިލުން ބުނެފި އެވެ.

ތޮއްޑޫ ކައުންސިލްގެ ރައީސް އަޙްމަދު ކަރަމް ވިދާޅުވީ މިއަހަރުގެ ރަމަޟާން މަހަށް 114 ދަނޑެއްގައި ކަރާ ހައްދާފައިވާއިރު، ރަމަޟާން މަހުގެ ފުރަތަމަ ދުވަހުގެ ކުރިން މާލެއަށް ކަރާގެ ފުރަތަމަ ސްޓޮކް ގެންނާނެއެވެ.

އޭނާ ވިދާޅުވީ ވިއްސާރަ މޫސުމުގެ ސަބަބުން ބައެއް ދަނޑުތަކުގައި ކަރާ ހެއްދުމުގެ މަސައްކަތް މަޑުޖެހިފައި ވެއެވެ. ނަމަވެސް ރޯދަމަހު ޑިމާންޑާއި އެއްވަރަށް ސަޕްލައި ލިބޭނެ ކަމުގެ ޔަގީންކަން ކަރަމް ދެއްވާފައި ވެއެވެ. ތޮއްޑޫއަކީ ރާއްޖޭގައި ދަނޑުވެރިކަން އެންމެ ފުޅާ ދާއިރާއެއް ކުރާ އެއް ރަށެވެ.

މިވަގުތު މާރުކޭޓުގައި ކަރާ ކިލޯއެއްގެ އަގު ހުރީ 25 ރުފިޔާއަށް އަށެވެ. ނަމަވެސް މިއީ ކައިރި އިންޑިޔާއިން އެތެރެކުރާ ކަރަލުގެ އަގެވެ. ކަރާ ވިއްކާ ބައެއް މީހުން ބުނާ ގޮތުގައި ރާއްޖޭގައި އުފައްދާ ކަރާ ކިލޯއެއްގެ އަގު 30 އަށް ބޮޑުވަނީ ރާއްޖޭގަައި ކަރާ އުފެއްދޭ މިންވަރު ދަށްކަމުންނެވެ.

ކޮންމެ އަހަރެއްގެ ރޯދަމަހު ދިވެހިންގެ މެދުގައި އެންމެ މަގުބޫލު އެއް މޭވާއަކީ ކަރަލެވެ.