އިންޝުއަރެންސް ޤާނޫނާ ގުޅޭ ދެ ގަވާއިދެއްގެ ދެލިކޮޕީއަށް ޚިޔާލު ހޯދުމަށް ހުޅުވާލައިފި

ދިވެހިރާއްޖޭގެ އިންޝުއަރެންސްއާ ބެހޭ ޤާނޫނު (ޤާނޫނު ނަންބަރު 13/2025) ތަންފީޒުކުރުމަށް ބޭނުންވާ ދެ ގަވާއިދެއް އެކުލަވައިލުމުގެ ގޮތުން އެ ގަވާއިދުތަކުގެ ދެލިކޮޕީއަށް ޢާންމުންގެ ފަރާތުން ޚިޔާލު ހުށަހެޅުމުގެ ފުރުޞަތު އެމްއެމްއޭއިން ހުޅުވާލައިފިއެވެ.

ޚިޔާލު ހޯދުމަށް ހުށަހަޅާފައިވަނީ ރާއްޖޭގައި ހުރި ރިސްކުތަކާ ގުޅޭ އިންޝުއަރެންސް ގަވާއިދާއި އިންޝުއަރެންސްގެ ޢާންމު މާއްދާތަކާ ބެހޭ ގަވާއިދެވެ.

މި ދެ ގަވާއިދުގެ ދެލިކޮޕީ ތައްޔާރުކޮށްފައިވަނީ ރާއްޖޭގައި ހަރަކާތްތެރިވާ އިންޝުއަރެންސް ކުންފުނިތަކާއި ކަމާ ގުޅޭ އެހެނިހެން ފަރާތްތަކުގެ މަޝްވަރާ ހޯދުމަށް ފަހުގައި ކަމަށް އެ އޮތޯރިޓީން ބުނެފައިވެއެވެ.

މަރުކަޒީ ބޭންކުން އާއްމުންގެ ޚިޔާލަށް ހުޅުވާލި އިންޝުއަރެންސް (ދިވެހިރާއްޖޭގައި ހުރި ރިސްކުތަކާބެހޭ) ގަވާއިދު:

https://tinyurl.com/RisksinMaldives

އިންޝުއަރެންސް (އާންމު މާއްދާތަކުގެ) ގަވާއިދު:

https://tinyurl.com/Gen-Provisions

މަރުކަޒީ ބޭންކުން ބުނީ މި ގަވާއިދުތަކަށް އެއްވެސް ޚިޔާލެއް ދޭން ބޭނުންވާނަމަ [email protected] އަށް މިހިނގާ އޮގަސްޓްމަހުގެ 18 ވަނަ ދުވަހުގެ 13:00ގެ ކުރިން އީމެއިލް ކުރުމުގެ ފުރުސަތު ހުޅުވާލާފައިވާކަމަށެވެ