ލަންކާގެ މަޖިލިސް އުވާލީ ގާނޫނާއި ޚިލާފަށް: ސުޕްރީމް ކޯޓު
ލިޔުންތެރިޔާ
ޝަފްރާޒް އަހްމަދު
ސްރީލަންކާގެ ގާނޫނު ހަދާ މަޖިލިސް އުވާލުމަށް އެގައުމުގެ ރައީސް މައިތިރިޕާލާ ސިރިސޭނާ ނިންމަވާފައިވާ ނިންމުމަކީ ގާނޫނާއި ޚިލާފް ނިންމުމެއްކަމަށް އެގައުމުގެ ސުޕްރީމް ކޯޓުން ކަނޑައަޅައިފިއެވެ.
ސްރީލަންކާގެ ގާނޫނު ހަދާ މަޖިލިސް އުވާލި މައްސަލަ، ރަނިލް ވިކްރަމަސިންހައިގެ ޔޫއެންޕީން ސުޕްރީމް ކޯޓަށް ހުށައެޅުމުން، އެކޯޓުން މިއަދު ހަވީރު ނެރުނު ހުކުމުގައި ބުނެފައިވަނީ މަޖިލިސް އުވާލުމަށް، އެމަޖިލީހުގެ ތިންބައިކުޅަ ދެބައިގެ ތާއިދު ރައީސްއަށް އޮންނަން ވާނެކަމަށެވެ. ލަންކާގެ މިހާރުގެ ގާނޫނު ހަދާ މަޖިލިސް އޮތްގޮތުން، ރައީސް ސިރިސޭނާ އަދި އެމަނިކުފާނުގެ ބޮޑުވަޒީރު މަހިންދަ ރާޖަޕަކްސައަަށް އެވަރުގެ ތާރީޚެއް ނެތެވެ.
މި ހުކުމުގައި އިތުރަށް ވަނީ ގާނޫނު ހަދާ މަޖިލިސް އުވާލެވޭނީ އެމަޖިލީހުގެ ދައުރުން ހަތަރު އަހަރާއި ބައި ފުރިހަމަ ކުރުމުންކަމުގައިވެސް ފާހަގަކޮށްފައެވެ.
މިއަދުގެ މި ހުކުމް ނެރެފައިވަނީ ސުޕްރީމް ކޯޓުގެ ހަތް ފަނޑިޔާރުންގެ އިއްތިފާގުންނެވެ.
މި ހުކުމާއި ގުޅިގެން ލަންކާގެ ބޮޑުވަޒީރަކީ އަނެއްކާވެސް ރަނިލް ވިކްރަމަސިންހައަށް ވުމުގެ ފުރުސަތު އެބައޮތެވެ. ނަމަވެސް ރައީސް ސިރިސޭނާ ވަނީ ރަނިލްއާއި އެކު މަސައްކަތް ނުކުރައްވާނެކަމަށް ތަކުރާރުކޮށް ވިދާޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
