އައު ކަމެއް ނޫން؛ ދެ އިންތިހާާބު އެކުގައި ބާއްވަން ތިން ހުށައެޅުމެެއް ހުށައެޅި ތާއީދު ލިބި ގޮތް ނިންމާފައިވޭ
ރިޔާސީ އިންތިހާބާއި ރައްޔިތުންގެ މަޖިލީހުގެ އާންމު އިންތިހާބު ބާއްވާނެ ތާރީހުތަކާ ގުޅޭގޮތުން ރައްޔިތުންގެ ހާއްސަ މަޖިލީހުގައި ބަހުސް ކުރެވި ގޮތް ނިންމާފައިވާ ކަަމަށާ ދެ އިންތިހާބު އެއް ދުވަހެއްގައި ބޭއްވުމާއި މެދު ގޮތެއް ނިންމީ އަލަށް ނޫން ކަމަށް ރައްޔިތުން މަޖިލީހުގެ ނައިބުރައީސް އަދި ދިއްގަރު ދާއިރާގެ ރައްޔިތުން މަޖިޅީސް ތަމްސީލް ކުރައްވާ މެމްބަރު އަހުމަދު ނާޒިމް ވިދާޅުވެއްޖެ އެވެ.
ނާޒިމް މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ. ނާޒިމް ވިދާޅުވީ ރިޔާސީ އިންތިހާބާއި ރައްޔިތުންގެ މަޖިލީހުގެ އާންމު އިންތިހާބު ބާއްވާނެ ތާރީހުތަކާ ގުޅޭގޮތުން ރައްޔިތުންގެ ހާއްސަ މަޖިލީހުގައި ބަހުސް ކުރެވި ގޮތް ނިންމާފައިވާ ކަމަށެވެ.
އެކަން އެނގެނީ އެކަމާ ގުޅޭގޮތުން ރައްޔިތުންގެ ހާއްސަ މަޖިލީހަށް ތިން ހުށަހެޅުމެއް ހުށަހެޅި، ތާއީދު ލިބި، އެ މަޖިލީހުން އެކަމަށް ގޮތްތަކެއް ނިންމާފައިވާތީ ކަމުގައިވެސް ވިދާޅުވި އެވެ. އެކަމާ ގުޅޭގޮތުން ހާއްސަ މަޖިލީހަށް ހުށަހެޅުނު އިސްލާހުތަކަކީ، މާލޭ މެންބަރު އިބްރާހީމް އިސްމާއީލް ހުށަހެޅުއްވި އިސްލާހަކާއި، މާޅޮސްމަޑުލު އުތުރުބުރީ މެންބަރު އަލީ ވަޙީދު ހުށަހެޅުއްވި އިސްލާހަކާއި، މާޅޮސްމަޑުލު އުތުރުބުރީ މެންބަރު ޝާހީން ހަމީދު ހުށަހެޅުއްވި އިސްލާހެކެވެ.
އެ އިސްލާހުތަކުގެ ކަރުދާސްތައް ވެސް ނާޒިމްގެ ޕޯސްޓްގައި ހިމަނުއްވާފައިވެ އެވެ.
މި ތިން ހުށައެޅުމުގައި ވެސް ވަނީ ދެ އިންތިހާބު އެކިއެކީ ބޭއްވުމަށެވެ.
ގާނޫނު އަސާސީ އެކުލަވާލި ދުވަސްވަރާއި އަދި ކުރީގެ ރައީސް މައުމޫން އެކުލަވާލި ހާއްސަ މަޖިލީހުގެ މެމްބަރެއްގެ ގޮތުގައި ހުންނެވި ނާޒިމް އިހަކަށް ރޭ އޮތް ޖަލްސާއެއްގައި ވެސް ވިދާޅުވީ އެދުވަސްވަރު ވެސް ދެ އިންތިހާބު އެކުއެކީގައި ބޭއްވުމާ ގުޅޭ ގޮތުން ހާއްސަ މަޖިލީހަށް ހުށަހެޅުމެއް ހުށަހަޅާ، އެ ހުށަހެޅުމަށް ތާއީދު ލިބި، އެ ހުށަހެޅުމަށް ވޯޓަށް ވެސް އެހި ކަމަށެވެ.
އެހެންކަމުން މިއީ މިއީ ކުރެވި، ނިމިފަ އޮތް ބަހުސެއް ކަމަށާއި، އެއީ އޭރު ރައްޔިތުން ގޮތް ނިންމި ކަމެއްކަމަށްވެސް ނާޒިމްގެ ވާހަކަފުޅުގައި އެރޭ ފާހަގަކުރެއްވި އެވެ.
ރިޔާސީ އިންތިހާބާއި މަޖިލީސް އިންތިހާބު އެއް ތާރީހެއްގައި ބޭއްވުމާއި ގުޅޭގޮތުން އަންނަ މަހުގެ ހަތަރުވަނަ ދުވަހު ފެންނަ ނުފެންނަ ވޯޓެއް ނަގާނެ އެވެ. މި ވޯޓަށް އިދިކޮޅު އެމްޑީޕީން ދަނީ ދެކޮޅު ހަދަމުންނެވެ. ނަމަވެސް އެމްޑީޕީގެ ވެރީން މީގެ ކުރީން ވަނީ ދެ އިންތިހާބު އެކިއެކީ ބޭއްވުމަށް ތާއީދުކޮށް ވާހަކަ ދައްކަވާފަ އެވެ. ބައެއް ބޭފުޅުން ވަނީ ތިން އިންތިހާބު އެއް ދުވަހެއްގައި ބޭއްވުމަށް ވެސް ފެންނަ ކަަމަށް ވިދާޅުވެ ވާހަކަ ދައްކަވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
