އެމްޑީޕީ ދޫކުރައްވައި މެންބަރު ހަސަންވެސް ޕީއެންސީއާ ގުޅިވަޑައިގެންފި!

ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު ހަސަން އަހުމަދު (ހަސަންޓޭ) ވެރިކަންކުރާ ޕީޕަލްސް ނެޝަނަލް ކޮންގްރެސް، ޕީއެންސީ އާއި ގުޅިވަޑައިގެންފިއެވެ.

މިކަން ހާމަކުރައްވައި ހަސަންޓޭ ކުރެއްްވި ޓުވީޓެއްގައި ވިދާޅުވީ މިއަދުން ފެށިގެން އޭނާ ރައީސުލް ޖުމްހޫރިއްޔާ ޑރ. މުހައްމަދު މުއިއްޒުއާއިއެކުު ކުރިއަށްދިއުމަށް ނިއްމަވާފައިވާ ކަމަށެވެ.

އަދި ތެދުވެރިކަމާއި އިހްލާސްތެރިކަމާއިއެކު ވެރިކަންކުރާ ޕީއެންސީ އާއިއެކު ހުންނަވާނެ ކަމަށްވެސް ވިދާޅުވެފައިވެއެވެ.

އެމްޑީޕީއަށް ނިސްބަތްވެ ވަޑައިގެންނެވި ރައްޔިތުން މަޖިލީހުގެ 13 މެމްބަރަކު ވެސް ވަނީ ޑިސެންބަރު 28 ވަނަ ދުވަހުގެ ރޭ ވެރިކަންކުރާ ޕީއެންސީއާ ގުޅިވަޑައިގެންފައެވެ.

އެގޮތުން އެމްޑީޕީ ދޫކޮށް ޕީއެންސީއަށް ރޭ ގުޅިވަޑައިގެންނެވި 13 މެމްބަރުންނަކީ؛

މަރަދޫ ދާއިރާގެ މެމްބަރު އިބްރާހިމް ޝަރީފް

ފޭދޫ ދާއިރާގެ މެމްބަރު އިބްރާހީމް ނިހާދު

ކުރެންދޫ ދާއިރާގެ މެމްބަރު އަބްދުލް ޣަނީ އަބްދުލް ހަކީމް

މައްޗަންގޮޅި ދެކުނު ދާއިރާގެ މެމްބަރު އަހްމަދު ހައިތަމް

މަތިވެރި ދާއިރާގެ މެމްބަރު ހަސަން ޒަރީރު

ނިލަންދޫ ދާއިރާގެ މެމްބަރު އަބްދުލް މުހުސިން ހަމީދު (ޖޭފޯ)

ގުރައިދޫ ދާއިރާގެ މެމްބަރު ޝާޒް

އިސްދޫ ދާއިރާގެ މެމްބަރު އަލީ ހަމީދު

މާފަންނު ދެކުނު ދާއިރާގެ މެމްބަރު އާދަމް އަލީ

ކަނޑިތީމު ދާއިރާގެ މެމްބަރު އަބްދުالله ޝަހީމް

މުލަކު ދާއިރާގެ މެމްބަރު އިބްރާހިމް ނަސީރު

ތޮއްޑޫ ދާއިރާގެ މެމްބަރު ހަސަން ޝިޔާން

ކޮމަންޑޫ ދާއިރާގެ މެމްބަރު މުޙައްމަދު ރާޝިދު

އެ މެންބަރުން ޕީއެންސީއާ ގުޅިގެންނެވި ޖަލްސާގައި ވާހަކަ ދައްކަވަމުން ރައީސުލްޖުމުހޫރިއްޔާ ވަނީ އެ ނޫން އެމްޑީޕީ މެންބަރުންވެސް ޕީއެންސީއާއި އަދި ގުޅޭނެ ކަމުގެ އިޝާރާތެއް ދެއްވާފައެވެ.