މާފުށީން ވަގަށް ނެގި "ތޭރަވާ" މާލޭ ފަޅުގައި، ލޯންޗުވެރީން ކަންބޮޑުވުމެއްގައި
ކ. މާފުށީ ފަޅުގައި އޮއްވާ ވަގަށް ނެގި ލޯންޗު ފެނިފައިވާ ކަމަށް ވެރި ފަރާތުން ބުނެފި އެވެ.
ރަށު ފަތުރުވެރިކަން އެންމެ ފުޅާކޮށް އޮތް މާފުށީ ފަޅުގައި އޮއްވާ ޓްރިޓޮން ހޮޓެލްސްގެ "ތޭރަވާ" ލޯންޗު ވަގަށް ނެގީ ރޭގެ ވަގުތެއްގަ އެވެ. ލޯންޗު ގެއްލިގެން އެކަން އާންމުކޮށް އިއުލާނު ވެސް ކުރި އެވެ.
ލޯންޗު ހޯދަމުން ދަނިކޮށް ފެނުނީ މާލޭގެ ފަޅުގައި އަޅާފައި އޮއްވަ އެވެ. ލޯންޗު އަދި އޮތީ ފުލުހުންގެ ތަހުގީގަށް ހިފަހައްޓާފަ އެވެ.
އެ ކުންފުނިން ބުނީ ލޯންޗު ނެތްކަން އެނގުމުން ވަގުތުން ހޯދަން ފެށި ކަމަށެވެ. މާފުށީ ފަޅުގައި އަބަދުވެސް ގިނަ އަދަދެއްގެ ލޯންޗު ބަނދަރުކޮށްފައި އޮންނައިރު ހުރިހާ ލޯންޗެއްގައި ވެސް ހުންނާނީ ތަޅުދަނޑި ޖަހާފައި ކަމަށް ޓްރިޓޮން ހޮޓެލްސްގެ އޮފިޝަލަކު ބުންޏެވެ.
އަދި މިއީ އެ ރަށުަގައި މީގެ ކުރީން ހިނގާފައިވާ ކަމެއް ނޫންކަން ފާހަގަކޮށް އެ ވައްކަމާއި ގުޅިގެން ވަރަށް ބޮޑު ކަންބޮޑުވުމެއް އުފެދިފައިވާ ކަމަށެވެ. އަދި އެ އަމަލު ހިންގި ބަޔަކު ދެނެގަނެ އެފަަދަ ކަމެއް ދެން ނުހިނގާނެ ކަން ކަށަވަރު ވާނެ ފަދަ ފިޔަވަޅުތަކެއް އަޅަން ޖެހޭ ކަމަށް ވަނީ ބުނެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
