އެޗްޑީސީއަށް 32 ރަށެއްގައި ކުޑަކުދިންގެ ޕާކު ތަރައްގީ ކުރަން ހަވާލުކޮށްފި

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް 32 ރަށެއްގައި ކުޑަކުދިންގެ ޕާކު ތަރައްގީ ކުރަން ހަވާލުކޮށްފި އެވެ.

އެކަމުގެ އެއްބަސްވުމުގައި އެޗްޑީސީއާ މިނިސްޓްރީ އޮފް ސިޓީސް، ލޯކަލް ގަވާމަންޓް އެންޑް ޕަބްލިކް ވާކްސް އިން މިއަދު ވަނީ ސޮއިކޮށްފަ އެވެ. އެޗްޑީސީގައި ބޭއްވި ރަސްމިއްޔާތެއްގައި މި އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓާ ބުރިގޭޑިއާ ޖެނަރަލް (ރިޓަޔާޑް) އަލީ ޒުހައިރު އެވެ. މިނިސްޓްރީގެ ފަރާތުން ސޮއިކުރެއްވީ ފައިނޭންސް އެގްޒެކެޓިވް މުހައްމަދު ސަރާހް އެވެ.

މި ރަސްމިއްޔާތުގައި މިނިސްޓަރު އާދަމް ޝަރީފް އުމަރު ވެސް ބައިވެރިވެވަޑައިގެންނެވި އެވެ.

މިނިސްޓްރީން ބުނި ގޮތުގައި މި އަހަރުގެ ނިޔަލަށް 115 ރަށެއްގައި ކުޑަކުދީންގެ ޕާކުތައް ތަަރައްގީ ކުރާނެ އެވެ. ބައެއް ރަށްރަށުގައި ކުޑަކުދީންގެ ޕާކުތައް މަރާމާތު ކުރުމުގެ މަސައްކަތްކޮށް ޕާކުތަކަށް ބޭނުންވާ ތަކެތި ފޯރުކޮށްދޭނެ އެވެ.