ދޯންޏެއްގެ ބުރަފަތީގައި ޖެހި 15 އަހަރުގެ ކުއްޖަކު މަރުވެއްޖެ
އދ. ދިގުރަށުގައި ޗުއްޓީ ހޭދަކުރަމުން ދިޔަ ސިންގަޕޫރަށް ނިސްބަތްވާ އުމުރުން 15 އަހަރުގެ އަންހެން ފަތުރުވެރިއަކު، ދޯންޏެއްގެ ބުރަފަތީގައި ޖެހި ލިބުނު ޒަޚަމްތަކާއެކު މަރުވެއްޖެއެވެ.
ފުލުހުން ބުނީ ދިގުރަށަށް ފެހުރިހި (ވޭލް ޝާކް) ރިސާޗެއް ހަދަން ސްޓަޑީ ޓުއަރ އެއްގައި ގޮސް އުޅުނު ޓީމުގެ ކުއްޖަކު ސްނޯކްލިންއަށް ގޮސް ދޯނިން މޫދަށް ފުންމާލި ވަގުތު ދޯނީގެ ބުރަފަތުގައި ޖެހި ޒަޚަމްވެގެން ހެލްތު ސެންޓަރަށް ގެންގޮސްފައިވާކަން މިއަދު ހެނދުނު 9:55 ކަންހާއިރު ރިޕޯޓުކޮށްފައިވާ ކަމަށެވެ.
އަދި މިހާދިސާގައި އަނިޔާވީ ސިންގަޕޫރަށް ނިސްބަތްވާ އުމުރުން 15 އަހަރުގެ އަންހެން ކުއްޖެއް ކަމަށެވެ.
އެ ކުއްޖާ ހެލްތު ސެންޓަރަށް ގެންދިޔައިރުވެސް ނިޔާވެފައިވާކަމަށް ހެލްތު ސެންޓަރުން ފުލުހުންނަށް މައުލޫމާތުދީފައިވާ ކަމަށް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
