60،000 އަށްވުރެ ގިނަ ރުފިޔާގެ އަގުހުރި ތަކެތި ވަގަށްނެގިކަމުގެ މައްސަލައެއްގައި މާމެންދޫއިން ދެ މީހުން ހައްޔަރުކޮށްފި
ލިޔުންތެރިޔާ
ޚަދީޖާ އަރުފާ
60000 ރުފިޔާއަށް ވުރެ އަގު ބޮޑު ތަކެތި ގއ. މާމެންދޫ ގެސްޓު ހައުސަކާއި އެ ރަށު ސިއްޙީ މަރުކަޒު ބޭސްފިހާރައިން ވަގަށް ނެގި ކަމުގެ ތުހުމަތުގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ މި މައްސަލައިގައި ހައްޔަރުކުރީ ގއ. މާމެންދޫ ޢަންދަލީބުގެ އަޙްމަދު ސަޢުދު (42 އ) އާއި ގއ. މާމެންދޫ ސަންލައިޓްވިލާ ޙަމްދޫން ޙަސަން (33 އ) ކަމަށެވެ.
ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ޙަމްދޫން 15 ދުވަހަށް ބަންދުގައި ބެހެއްޓުމަށް އަމުރުކޮށްފައިވާ އިރު އަޙްމަދު ސަޢުދު ބަންދުކުރީ ޝަރީޢަތް ނިމެންދެން ކަމަށް ފުލުހުން ބުނެއެވެ.
މި ސެޕްޓެމްބަރު 11 ވަނަ ދުވަހު ހުށަހެޅި މި ވައްކަމުގެ ތަޙުޤީޤުގައި ތުހުމަތުކުރެވޭ ދެ މީހުން ހޯދައި ވަގަށް ނެގި ތަކެތި ވެސް ފުލުހުން ވަނީ ހޯދައިފައެވެ.
ގެސްޓު ހައުސުން ނެގި ތަކެތީގެ ތެރޭގައި މެކްބުކް ސަރފޭސް ޕްރޯއަކާއި ޑީޖޭއައި ޑްރޯން ކެމެރާ ސެޓަކާއި ގޯޕްރޯއަކާއި ކެނޮން ކެމެރާއެއް ހިމެނެއެވެ. ބޭސްފިހާރައިން ފައިސާ އާއި އެ ނޫން ވެސް ތަކެތި ވަގަށް ނަގާފައިވާ ކަމަށް ފުލުހުން ބުނެއެވެ.
ފުލުހުން ގެންދަނީ މި މައްސަލަ އިތުރަށް ތަޙުޤީޤުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
