ނިއުކާސަލްގެ ބްރޫނޯ ގިމަރޭސް ހޯދުމަށް އާސެނަލުން ހުށަހެޅި ބިޑް ބޭރުކޮށްލައިފި

ނިއުކާސަލް ޔުނައިޓެޑަށް ކުޅެމުން އަންނަ ބްރެޒިލްގެ ބްރޫނޯ ގިމަރޭސް ހޯދުމަށް އާސެނަލްއިން ހުށަހެޅި ފުރަތަމަ ބިޑް ނިއުކާސަލުން ބޭރުކޮށްލައިފިއެވެ.

ޕްރިމިއާ ލީގުގެ ޗެމްޕިއަން އާސެނަލުން ދަނީ ނިއުކާސަލްގެ ކެޕްޓަން ގިމަރޭސް ހޯދުމާ ގުޅޭގޮތުން އެ ކްލަބާއެކު ސީދާ މަޝްވަރާތައް ކުރަމުންނެވެ. ގިމަރޭސް މިވަގުތު ހުރީ ޕްރީ-ސީޒަން ތަމްރީނުތަކަށް ސްޕެއިންގެ ލަމަންގާގައި ހުރިއިރު، އޭނާ ވަނީ ނިއުކާސަލް އާއެކު ހުރިކަން ހާމަކޮށް އިންސްޓަގްރާމްގައި ފޮޓޯއެއް ހިއްސާކޮށްފައެވެ. އުމުރުން 28 އަހަރުގެ ގިމަރޭސް ވަނީ އާސެނަލް އާ ގުޅެން ބޭނުންވާކަން ހާމަކޮށް މިދިޔަ މަހުގެ ތެރޭގައި ނިއުކާސަލަށް އަންގާފައެވެ.

ގިމަރޭސް އާސެނަލަށް ދާން ބޭނުންނަމަވެސް ނިއުކާސަލް އިން ވަނީ ޓީމްގެ ކެޕްޓަނެއްގެ ގޮތުގައި އޭނާ ބަހައްޓާށެވެ. ގިމަރޭސް އާ ނިއުކާސަލްގެ އެއްބަސްވުމުގެ އެގްރީމެންޓް ބުނާގޮތުން އަދި ދެ އަހަރު އެބައޮތެވެ. އަދި ނިއުކާސަލް އިން ބޭނުންނަމަ، އިތުރު އެއް އަހަރަށް ކޮންޓްރެކްޓް އާކުރުމުގެ އިޚުތިޔާރު ކްލަބަށް ލިބިގެންވެއެވެ.

އާސެނަލްއިން ހުށަހެޅި ބިޑް ނިއުކާސަލުން ބޭރުކޮށްލުމާ ގުޅިގެން އެ ކްލަބުން އަންނަނީ، އެއަށްވުރެ ރަނަގޅު ހުށަހެޅުމެއް ހުށަހެޅުމަށް ތައްޔާރުވަމުންނެވެ.

ގިމަރޭސް އެންމެ ބޮޑަށް ފާހަގަކީ ފްރާންސްގެ ލިޔޯނުންނެވެ. އޭނާ ލިޔޯނުން ނިއުކާސަލަށް ބަދަލުވީ، 40 މިލިއަން ފައުންޑްގެ އަގަކަށެވެ. މިހާތަނަށް ނިއުކާސަލްއާ ކުޅެދިން 195 މެޗުގައި އޭނާ ވަނީ 31 ލަނޑު ޖަހާފައެވެ.