މިދިޔަ އަހަރު ކާރިސާތަކަށް އެހީވުމަށް ޑިޒާސްޓާއިން 24.4 މިލިއަން ރުފިޔާ ހޭދަކުރި: އޮޑިޓް
ލިޔުންތެރިޔާ
އަބްދުﷲ ހުސައިން
ގުދުރަތީގޮތުން ލިބޭ ގެއްލުންތަކަށް އެހީގެ ގޮތުގައި މިދިޔަ އަހަރު ނެޝަނަލް ޑިޒާސްޓާ މެނޭޖްމަންޓް އޮތޯރިޓީން 2024 ވަނަ އަހަރު 24.4 މިލިއަން ރުފިޔާ ހޭދަކޮށްފިއެވެ.
އޮޑިޓަރ ޖެނެރަލް ނެރުއްވާފައިވާ ނެޝަނަލް ޑިޒާސްޓާ މެނޭޖްމަންޓު އޮތޯރިޓީގެ 2021 އިން ފެށިގެން 2024 ވަނަ އަހަރުގެ އޮޑިޓް ރިޕޯޓްގައި ބުނެފައިވަނީ މިދިޔަ 4 އަހަރުގެ ތެރޭގައި އެންމެބޮޑަށް ހޭދަކޮށްފައިވަނީ 2024 ވަނަ އަހަރު ކަމަށެވެ. އެގޮތުން މިދިޔަ އަހަރު ކުރިމަތިވި ކާރިސާތަކަށް ޖުމްލަ 11.6 މިލިއަން ރުފިޔާ ވަނީ ހޭދަކޮށްފައެވެ.
އޮޑިޓް ރިޕޯޓްގައި ބުނެފައިވަނީ އެންޑީއެމްއޭއިން ހަރަދުތައް ކޮށްފައިވަނީ އެ އިދާރާއިން އެކުލަވާލާފައިވާ ރިލީފް އެހީ ފޯރުކޮށްދިނުމުގައި ހުންނަންޖެހޭ މިންގަނޑު އަދި ކާރިސާއެއްގައި ގޯތިގެދޮރާއި މުދަލަށްލިބޭ ގެއްލުނުމަސް ދެވޭ އެހީތެރިކަން ފޯރުކޮށްދިނުމުގެ މިންގަނޑާއި އެއްގޮތަށް ކަމަށެވެ.
އެންޑީއެމްއޭއިން ކާރިސާތަކަށް މިދިޔަ 4 އަހަރު ކުރި ހޭދަ:
2021 ވަނަ އަހަރު: 4,933,958.44 މިލިއަން ރުފިޔާ
2022 ވަނަ އަހަރު: 3,638,996.9 މިލިއަން ރުފިޔާ
2023 ވަނަ އަހަރު: 4,201,846.56 މިލިއަން ރުފިޔާ
2024 ވަނަ އަހަރު: 11,634,535.21 މިލިއަން ރުފިޔާ
ޑިޒާސްޓާ އޮފީހުގެ ހަރަދުތަކާ ގުޅޭގޮތުން އޮޑިޓަރ ރިޕޯޓްގައި ބުނެފައިވަނީ އެންޑީއެމްއޭގެ ހަރަދުތައް ކޮށްފައިވަނީ މާލިއްޔަތު ގަވާއުިދާ އެއްގޮތަށް ފާސްކޮށްދިން ބަޖެޓްގައިވާ ކަންތައްތަކަށް ކަނޑައެޅިފައިވާ މިންވަރަށްކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
