ސިޓީތަކާބެހޭ ވުޒާރާ އުވާލައިފި
ސަރުކާރުގެ ހިންގުން ހަރުދަނާކުރުމަށް ވަޒީރުންގެ މަޖިލީހަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއްޔެ ގެންނެވި ބަދަލުތަކާ އެކު، މިނިސްޓްރީ އޮފް ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް އުވާލައިފި އެވެ.
ވަޒީރުންގެ މަޖިލީހުގައި ހިމެނިވަޑައިގަންނަވާ 10 ބޭފުޅަކު އިއްޔެ އިސްތިއުފާދެއްވާފައިވާއިރު، އޭގެ ތެރޭގައި ސިޓީތަކާ ބެހޭ ވަޒީރު އާދަމް ޝަރީފް އުމަރު ހިމެނިވަޑައިގަންނަވަ އެވެ.
އަދި އެފަހުން އިއްޔެ ބައެއް މިނިސްޓްރީތަކުގެ މަސައްކަތް އެއްކޮށްލައި މިނިސްޓްރީ ތަކަށް އަލުން ވަޒީރުން އައްޔަނު ކޮށްފައިވާއިރު، ކުރިން އޮތް 20 މިނިސްޓްރީ، ޖުމްލަ 15 އަށްވަނީ ކުޑަކޮށްފައެވެ.
ސިޓީތަކާ ބެހޭ ވުރާ އިވާލުމަށްފަހު އެ މިނިސްޓްރީން ކުރަމުންދިޔަ ޕަބްލިކް ވޯކްސްގެ ހުރިހާ މަސައްކަތްތަކެއް މިހާރު ވަނީ މިނިސްޓްރީ އޮފް އިންފްރާސްޓްރަކްޗާ، ހައުސިން އެންޑް އާބަން ޑިވެލޮޕްމަންޓްގެ ދަށަށް ބަދަލުކޮށްފަ އެވެ.
އަދި ކުރިއެކޭ އެއްގޮތަށް ސިޓީތަކާ ކައުންސިލްތަކުގެ މަސައްކަތް ކުރިއަށްދާނީ ލޯކަލް ގަވަމަންޓް އޮތޯރިޓީ، އެލްޖީއޭގެ ދަށުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
