15 މޭގެ ކުރިން އިލެކްޓްރިކް ވެހިކަލްތަކުގެ ބޯޑު ބަދަލު ކުރުމަށް ފުލުހުން އިލްތިމާސްކޮށްފި
ލިޔުންތެރިޔާ
އަޙްމަދު އާހިލް ސަޢީދު
މި އަންނަ މަހުގެ 15 ވަނަ ދުވަހުގެ ކުރިން ފެހި ކުލައަށް އިލެކްޓްރިކް ވެހިކަލްތަކުގެ ބޯޑު ބަދަލު ކުރުމަށް ފުލުހުން އިލްތިމާސްކޮށްފިއެވެ.
މި ބަދަލު އިއުލާންކޮށްފައިވަނީ މިދިޔަ މަހުގެ 12 ވަނަ ދުވަހު މިނިސްޓަރ އޮފް ޓްރާންސްޕޯޓް، މުހައްމަދު އަމީން އެވެ.
މިކަމާ ގުޅޭގޮތުން ސޯޝަލް މީޑިއާގައި ފުލުހުން ކުރި ޕޯސްޓެއްގައި ބުނެފައިވަނީ، އިލެކްޓްރިކް ވެހިކަލްތައް ގެންގުޅޭ ފަރާތްތަކުން އަންނަ މަހުގެ 15 ގެ ކުރިން ބޯޑުބަދަލުކޮށް ނިންމުމަށް ޖެހޭނޭކަމަށެވެ.
ފުލުހުން އެކްސްގައި ކުރި ޕޯސްޓް
ޓްރާންސްޕޯޓް މިނިސްޓްރީން ވަނީ ޓެކްސީގެ ގޮތުގައި ދުއްވާ ވެހިކަލްތަކުގެ އިތުރުން، ޕްރައިވެޓް ވެހިކަލްތަކުގެ ގޮތުގައި ބޭނުންކުރާ އިލެކްޓްރިކް ވެހިކަލްތަކުގައިވެސް ފެހިކުލައިގެ ނަމްބަރ ޕްލެޓް ބޭނުންކުރުމަށް ނިންމާފައެވެ
ކުރިން ކަރަންޓު ވެހިކަލްތަކާއި އިންޖީނުލީ އެއްގަމު އުޅަނދުތައް ދުއްވާ ބޯޑުތަކުގައި އެއްވެސް ތަފާތެއް ނުހުރެއެވެ. އެގޮތުން، ކުރިން ހަމައެކަނި ހުންނަ ތަފާތަކީ ޓެކްސީ އުޅަނދުތަކާއި އަމިއްލަ ފަރާތްތަކުން ދުއްވާ އުޅަނދުތަކުގެ ނަންބަރު ބޯޑުތަކުގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
