އޯޕެކް ފަންޑުން ކުއްލި އެހީގެ ކްރެޑިޓް ފެސިލިޓީއެއް ހޯދަން މަޝްވަރާކޮށްފި
ކުއްލި ހާލަތްތަކުގައި ބޭނުންކުރެވޭނެ ލައިން އޮފް ކްރެޑިޓް ފެސިލިޓީއެއް އޯޕެކް ފަންޑުން ހޯދުމަށް މަޝްވަރާކޮށްފިއެވެ.
ދޯހާގައި ކުރިއަށްދާ އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އޭއައިއައިބީ)ގެ 2026 ވަނަ އަހަރުގެ އަހަރީ ބައްދަލުވުމުގެ ހަވާސާގައި ފިނޭންސް މިނިސްޓަރު ޙަސަން ޒަރީރު އޯޕެކް ފަންޑުގެ ރައީސް ޑރ. ޢަބްދުލްޙަމީދު އަލްޚަލީފާއާ ވަނީ ބައްދަލުކުރައްވައިފައެވެ.
މާލީ ވުޒާރާއިން ބުނީ މި ބައްދަލުކުރެއްވުމުގައި ކަންޓްރީ ޕާޓްނާޝިޕް ފްރޭމްވޯކް އެއްބަސްވުމުގެ ދަށުން ގުޅިގެން މަސައްކަތްކުރެވިދާނެ ދާއިރާތަކާ ބެހޭ ގޮތުން ދެ ބޭފުޅުން މަޝްވަރާކުރެއްވި ކަމަށެވެ.
މީގެ އިތުރުން ކުއްލި ހާލަތްތަކުގައި ބޭނުންކުރެވޭނެ ލައިން އޮފް ކްރެޑިޓް ފެސިލިޓީއެއް ޤާއިމުކުރުމުގެ މުހިންމުކަމުގެ މައްޗަށް ވެސް އެ ބައްދަލުކުރެއްވުމުގައި އަލިއަޅުއްވައިލެއްވި ކަމަށް އެ ވުޒާރާއިން ބުނެފައިވެއެވެ.
ހަމައެއާ އެކު ރާއްޖޭގެ ދެމެހެއްޓެނިވި ތަރައްޤީއަށް ބާރު އެޅުމުގެ ގޮތުން ފެނާއި ނަރުދަމާ އާއި ބަނދަރު ތަރައްޤީކުރުން ފަދަ ބޮޑެތި ދާއިރާތަކުން ކުރިއަށް އޮތް ތަނުގައި ގުޅިގެން މަސައްކަތްކުރުމާ ގުޅޭ ގޮތުން ވެސް ވާހަކަދެއްކެވި ކަމަށް އެ ވުޒާރާއިން ހާމަކޮށްފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
