ދިޔަނެރު ފަރަށްއެރި ޓަގު ބޯޓު 20 މިލިއަނަށްވުރެ ގިނަ ރުފިޔާއިން ޖޫރިމަނާކޮށްފި
މިދިޔަ އަހަރުގެ ތެރޭގައި ކ.ދިޔަނެރު ފަރަށްއެރި ޓަގު ބޯޓާއި ބާޖުގެ ވެރިފަރާތް 20 މިލިއަނަށްވުރެ ގިނަ ރުފިޔާއިން ޖޫރިމަނާކޮށްފިއެވެ.
އީޕީއޭއިން ބުނީ، ފަރަށް އެރި ސަރަހައްދު ބެލިއިރު، 804 އަކަމީޓަރުގެ ސަރަހައްދަކަށް ބޮޑެތި ގެއްލުންތަކެއްވެ، ފަރު ހަލާކުވެފައިވާ ކަމަށާއި ލިބުނު ގެއްލުން ތަކާއި ގުޅިގެން 20 މިލިއަން 2 ލައްކަ 46 ހާސް ރުފިޔާއިން ޖޫރިމަނާ ކޮށްފައިވާކަމަށެވެ.
އެ ޖޫރިމަނާ ދެއްކުމަށް ބާޖުގެ ވެރިފަރާތްކަމަށްވާ އީސްޓް މެރިން އެލްއެލްސީއަށް މި މަހުގެ 3 ވަނަ ދުވަހުން ފެށިގެން 30 ދުވަހުގެ މުއްދަތެއް ދީފައިވާ ކަމަށް އީޕީއޭއިން ބުނެއެވެ.
ދި މިޑްލް އީސްޓް މެރިން އެލްއެލްސީގެ ޓަގު، އޭއެމް އެޑްވޭ އާއި ބާޖު، "އެރޮން" ދިޔަނެރު ފަރަށް މިދިޔަ އަހަރުގެ ސެޕްޓެމްބަރުމަހުގެ 23 ވަނަ ދުވަހު އަރާފައިވާއިރު، އެ އުޅަނދު 24 ސެޕްޓެމްބަރުގައި އެތަނުން ނަގައި، ފަރަށް ލިބުނު ގެއްލުން ބެލުމަށް އީޕީއޭއިން ވަނީ އުޅަނދުތަކުގެ ވެރިފަރާތުން އައްޔަންކުރި ސާވެޔަރުންނާއެކު ގުޅިގެން ސަރވޭއެއް ހަދާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
