ދަތުރުކުރައްވަމުން ގެންދިޔަ ހެލިކޮޕްޓަރު ވެއްޓި، ޗިލީގެ ކުރީގެ ރައީސް ޕިނޭރާ އަވަހާރަވެއްޖެ

ދަތުރުކުރައްވަމުން ގެންދިޔަ ހެލިކޮޕްޓަރު ވެއްޓި، ޗިލީގެ ކުރީގެ ރައީސް ސެބަސްޓިއަން ޕިނޭރާ އަވަހާރަވެއްޖެއެވެ.

ދެކުނު އެމެރިކާގެ ރައީސް ކަން ދެފަހަރު ކުރެއްވި ބިލިއަނަރު ޓައިކޫނެއް ކަމަށްވާ، ޕިނޭރާ ދަތުރުކުރައްވަމުން ގެންދިޔަ ހެލިކޮޕްޓަރު ވެއްޓުނީ ޗިލީގެ ދެކުނުގެ ލޮސް ރިއޯސް ސަރަހައްދަށް ކަމަށް އެބޭފުޅާގެ އޮފީހުން ނެރުނު އިއްޔެ ނެރުނު ބަޔާނެއްގައިވެ އެވެ. ޕިނޭރާގެ ހަށިގަނޑު ޗިލީގެ ކަނޑުގެ ސިފައިން ވަނީ ހޯދާފައެވެ. ޕިނޭރާ އަވަހާރަވިކަން އެގައުމުގެ ދާޚިލީ ވަޒީރު ކެރޮލީނާ ތޯހާ ވަނީ ކަށަވަރުކޮށްދެއްވާފައެވެ.

އެ ހެލިކޮޕްޓަރުގައި ޕިނޭރާ އާއި އެކު އިތުރު ތިން މީހަކު ދަތުރު ކުރި ކަމަށާއި، މި ތިން މީހުން ވަނީ ސަލާމަތްވެފައި ނޫސްތަކުން ރިޕޯޓް ކުރެއެވެ. އެހެންނަމަވެސް މިއީ ކޮން ބައެއް ކަމެއް އެ ގައުމުގެ ސަރުކާރުން ހާމަކޮށްފައެއް ނުވެއެވެ.

ހެލިކޮޕްޓަރު ދަތުރުކުރަމުން ދިޔަ ވަގުތަކީ އެ ސަރަހައްދަށް ބޯކޮށް ވާރޭ ވެހުން ވަގުތެއް ނަމަވެސް، ހާދިސާ ހިނގަން މެދުވެރިވީ މޫސުން ގޯސް ވުމުގެ ސަބަބުން ކަމެއް އަދި ޔަގީން ކުރެވިފައެއް ނުވެއެވެ.

އަވަހާރަވިއިރު، އުމުރުން 74 އަހަރުގެ ޕިނޭރާ ވަނީ 2010 އިން 2014 އަށް އަދި 2018 އިން 2022 އަށް ޗިލީގެ ރައީސްކަން ކުރައްވާފައެވެ.

ރައީސް ކަމަށް ތިން ފަހަރެއްގެ މަތިން ވާދަކުރެއްވި ޕިނޭރާގެ ފުރަތަމަ ދައުރު ފެށިގެން އައީ 2010 ވަނަ އަހަރު ކުރީގެ ރައީސް އެޑުއާޑޯ ފްރެއި ބަލިކުރައްވާފައެވެ. އެއަށްފަހު ހަތަރު އަހަރު ފަހުން 2018 ވަނަ އަހަރު އޭނާ ވަނީ އަމިއްލަ ބޭފުޅަކު ބަލިކުރެއްވުމަށްފަހު ހަތަރު އަހަރުގެ ދެވަނަ ދައުރެއް ކާމިޔާބު ކުރައްވައިފަ އެވެ.

ޕިނޭރާގެ ޖަނާޒާ ހުކުރު ދުވަހު ބޭއްވުމުގެ ތައްޔާރީތައް ފަށާފައިވާއިރު، ޗިލީގެ ރައީސް ގެބްރިއަލް ބޮރިކް ވަނީ މި ހާދިސާ އާއި ގުޅިގެން ގައުމީ ހިތާމައިގެ ތިން ދުވަސް އިއުލާން ކުރައްވާފައެވެ.