ޤަވާއިދާއި ޚިލާފަށް ބިދޭސީން ދިރިއުޅެމުން އަންނަ ތަންތަން ފާސްކުރަން ފަށައިފި

ގަވާއިދާ ޚިލާފަށް ބިދޭސީން ދިރިއުޅެމުން އަންނަ ތަންތަން ބަލައި ފާސްކުރަން ފަށައިފިވާކަމަށް މޯލްޑިވެސް އިމިގްރޭޝަނުން އިން ބުނެފިއެވެ.

އެ އިދާރާއިން އެކްސް ގައި ކޮށްފައިވާ ޕޯސްޓެއްގައި ބުނީ، ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން ޤަވާއިދާ ޚިލާފަށް ރާއްޖޭގައި އުޅޭ ބިދޭސީން ދިރިއުޅޭ ތަންތަނާއި މިފަދަ ފަރާތްތަކުން އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަށް ކާބޯތަކެތި ތައްޔާރުކުރާ ތަންތަން ބަލައި ފާސްކުރުމަށް މާލެ ސަރަހައްދުގައި ހާއްސަ އޮޕަރޭޝަނެއް 10 ސެޕްޓެމްބަރ ގައި ފަށައިގެން ކުރިއަށްދާ ކަމަށެވެ.

އަދި މިއީ ޤަވާއިދާ ހިލާފަށް އުޅޭ ބިދޭސީންގެ މައްސަލަތައް ހައްލުކޮށް، އާންމު ރައްޔިތުންގެ ސަލާމާތާއި ރައްކާތެރިކަން ކަށަވަރުކުރުމަށް ކުރެވޭ މަސައްކަތުގެ ދަށުން ހިންގަމުން އަންނަ އޮޕަރޭޝަނެއް ކަމުގައި އިމިގްރޭޝަނުން ވަނީ ބުނެފައެވެ.

އިއްޔެ ފެށި މި އޮޕަރޭޝާންގެ ތެރެއިން މާލޭގެ 03 ގެއެއް ބަލައި ފާސްކޮށް ގަވާއިދާ ހިލާފަށް އުޅޭ 13 ބިދޭސީއެއް އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށް އިމިގްރޭޝަނުން ވަނީ ވަދާޅުވެފައެވެ.

މި އޮޕަރޭޝަންގެ ތެރެއިން ޤަވާއިދާއި ޚިލާފަށް ބިދޭސީން އުޅޭ އޮކޮމެޑޭޝަމްތަށް ބަލައި ފާސްކުރުމަށް ވަނީ ހަމަޖެހިފައެވެ.

އިމިގްރޭޝަނުން ވިދާޅުވީ، މި އޮޕަރޭޝަންގައި މާލެ ސަރަހައްދުގައި ހިމެނޭ މިފަދަ ހުރިހާ ބިދޭސީން އުޅޭ އެކޮމޮޑޭޝަންތައް ބަލައި ފާސްކުރުމަށް ހަމަޖެހިފައިވާ ކަމަށެވެ

އަދި ޤަވާއިދާ ޚިލާފަށް އުޅޭ ބިދޭސީންނަށް މިފަދަ ތަންތަން ކުއްޔަށް ދީފައިވާ ފަރާތްތަކަށްއިމިގްރޭޝަން ޤާނޫނުގެ ދަށުން ފިޔަވަޅު އެޅުމަށް ނިންމާފައިވާކަމަށްވެސް އެ އިދާރާއިން ވަނީ ވިދާޅުވެފައެވެ.