ޝެއިހް ސަމީރުގެ ދަރުހެއް މިރޭ ފޯކައިދޫގައި، ނަސީބުވެރިއަކަށް އުމްރާ ދަތުރެއް
ލިޔުންތެރިޔާ
ޚަދީޖާ އަރުފާ
"ފުރުސަތު" ނަމުގައި މަަޝްހޫރު ދީނީ އިލްމުވެރިޔާ އައްޝައިހް އަހްމަދު ސަމީރުގެ ހާއްސަ ދަރުހެއް މިރޭ ށ. ފޯކައިދޫގައި ބާއްވަން ހަމަޖެހިއްޖެ އެވެ.
ރަމަޟާން މަހަށް އިސްތިގުބާލު ކުރުމުގެ ބާއްވާ މި ދަރުސް އޮންނާނީ މިރޭ 8:45 ގައި ފޯކައިދޫ އޯޕަންސްޓޭޖް ސަރަހައްދު ގަ އެވެ.
މި ދަރުސް އިންތިޒާމު ކުރަނީ ފޯކައިދޫ ކައުންސިލާއި ފޯކައިދޫ ޕޮލިހާއި ޑަބްލިއުޑީސީއާ ފެނަކަ އަދި އެ ރަށު ސުކޫލާއި ސަލަފު ޖަމިއްޔާ އަދި ފޯކައިދޫ ބްލަޑް ބްރަދާސް ގުޅިގެންނެވެ.
މިއީ ޝެއިހް ސަމީރުގެ ދަރުހެއް ފޯކައިދޫގައި ބާއްވާ ތިން ވަނަ އަހަރެވެ.
މިރޭ ދަރުހަށް ހާޒިރުވާ މީހުންގެ މެދުގައި ގުރުއަތުން ހޮވޭ ނަސީބުވެރިއަކަށް އުމްރާ ދަތުރެއް ދިނުމަށް ވަނީ ހަމަޖެހިފަ އެވެ. އަދި ނަސީބުވެރި 10 ފަރާތެއް ހޮވާ އަގުހުރި އިނާމުތަކެއް ދިނުމަށް ވަނީ ހަމަޖެހިފަ އެވެ.
މިރޭގެ ދަރުސް ދާރިސް ޓީވީން ވަގުތުން ދުރަށް ދައްކާނެ އެވެ.
ޝެެއިހް ސަމީރުގެ ދަރުސްގެ އިތުރުން ށ. މިލަންދޫގައި އައްޝައިހް މުޖްތަބާ ހަމީދު އަދި ށ. ނޫމަރާގައި އައްޝައިހް ޝިހާމް މުހައްމަދުގެ ދަރުހެއް އޮންނާނެ އެވެ. މީގެ އިތުރުން އައްޝައިހް އަބްދުއްސަލާމް ބިން ދާވޫދުގެ ދަރުހެއް ކ. ގާފަރުގައި އަދި އައްޝައިހް އަހްމަދު ފަޒާދުގެ ދަރުހެއް ތ. ކަނޑޫދޫގައި، އައްޝައިހް އަތީފް އަބޫބަކުރުގެ ދަރުހެއް ތ. ދިޔަމިގިލީގައި އޮންނާނެ އެވެ.
ޝެެއިހް ފަޒާދާއި ޝެއިހް އަތީފްގެ ދަރުސްތައް ތ އަތޮޅުގެ ހުރިހާ ރަށެއްގައި މި ހަފްތާ ބަންދުގައި އޮންނާނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
