ވިސާރައިގައި އެމްޑަބްލިއުއެސްސީގެ ޕަމްޕް ސްޓޭޝަނެއްގެ ވަސްހޮޅި ވެއްޓި ގެއްލުންތަކެއް ވެއްޖެ!
މާލެއަށް ކުރަމުންދާ ވިއްސާރަޔާ ގަދަ ވައިގެ ސަބަބުން އެމްޑަބްލިއުއެސްސީގެ ޕަމްޕް ސްޓޭޝަނެއްގެ ވަސްހޮޅި ވެއްޓި ގެއްލުންތަކެއްވެއްޖެއެވެ.
މިކަމާއި ގުޅިގެން އެމްޑަބްލިއުއެސްސީން އެކްސްގައި ކުރި ޕޯސްޓެއްގައި ބުނީ، ވިއްސާރައިގެ އެ ކުންފުނީގެ 8 ނަމްބަރ ޕަމްޕް ސްޓޭޝަންގެ ވަސްހޮޅި ވެއްޓި ގެއްލުންތަކެއް ވެފައިވާ ކަމަށެވެ.
އަދި އެކަމުގެ ސަބަބުން ލިބުނު ގެއްލުންތައް ބަލައި މަރާމާތު ކުރުމުގެ މަސައްކަތް މިހާރު ފެށިފައިވާ ކަމަށާ، އެކަމުގެ ސަބަބުން އެ ކުންފުނިން ދެމުންދާ ޚިދުމަތަށް ބުރޫ ނާރާނެ ކަމަށެވެ.
މާލެ ސަރަހައްދަށް މިހާރު ކުރަމުންދާ ވިއްސާރައަކީ، މި ސަރަހައްދުން ދަތުރު ކުރަމުންދާ ކޮޅި ގަނޑެއްގެ ސަބަބުން ކަމަށް މެޓް އޮފީހުން މައުލޫމާތު ދެއެވެ. އަދި އޭގެ ސަބަބުން ވައި ގަދަވެ، ކަނޑުވެސް ގަދަވެ ބޯކޮށް ވާރޭ ވެހޭނެ ކަމަށް ލަފާކޮށް މާލެ ސަރަހައްދަށް ވަނީ ރީނދޫ ސަމާލު ވެސް ނެރެފައެވެ.
ވިއްސާރައިގެ ސަބަބުން މާލޭގެ ބޮޑު ސަރަހައްދެއްގައި ފެންބޮޑުވެ، އެމްއެމްޑީއެފުން ވަނީ ފެން ހިންދުމުގެ މަސައްކަތް ފަށާފައެވެ.
އަދި އެ އިދާރާ އާއި ފުލުހުން ގުޅިގެން، ފެން ވަންނަ ގެތަކާއި، ތަން ތަނާއި، މަގުގެ އެއްކައިރީގައި ވެލި ބަސްތާ ޖެހުމުގެ މަސައްކަތް ވެސް އަންނަނީ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
