ސިޔާސީ ހައްޔަރީން މިނިވަންކުރުމާއި ބެހޭ ކޮމެޓީއެއް އެކުލަވާލައިފި

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ފުރަތަމަ ދުވަހުގެ ވައުދުތަކުގެ ތެރޭގައި ހިމެނޭ ސިޔާސީ ހައްޔަރީން ދޫކޮށްލުމުގެ ވައުދު ފުރިހަމައަށް ތަންފީޒު ކުރުމަށް ޚާއްސަ ކޮމެޓީއެއް އެކުލަވާލައިފިއެވެ.

ރައީސް އޮފީހުން މިރޭ ނެރުނު ބަޔާނެއްގަައިވާގޮތުގައި، ސިޔާސީ މަޤުޞަދެއްގައި ޖިނާއީ ތުހުމަތެއް ކޮށް، ހައްޔަރު ކޮށްފައިވާ ފަރާތްތައް މިނިވަންކުރުމުގެ މަސައްކަތްޕުޅު ކުރިއަށް ގެންދެވުމުގެ ގޮތުން، [ސިޔާސީ ހައްޔަރީން މިނިވަންކުރުމާ ބެހޭ ކޮމިޓީ" އެއް ރައީސް ވަނީ އެކުލަވާލައްވާފައެވެ.

މި ކޮމެޓީ އެކުލަވާލައްވާފައިވަނީ އިއްޔެއެވެ.

އެކޮމިޓީގައި ހިމެނިވަޑައިގަންނަވާނީ:

1. މިނިސްޓަރ އޮފް ހޯމް އެފެއާޒް

2. ކޮމިޝަނަރ އޮފް ޕޮލިސް

3. ލީގަލް ކައުންސެލް ޓު ދަ ޕްރެޒިޑެންޓް

4. ބަންޑާރަ ނައިބު

ސިޔާސީ ހައްޔަރީން ދޫކޮށްލުމާއި ބެހޭގޮތުން ޚާއްސަ ކޮމެޓީއެއް ހެދިއިރު، މިއަދު ވަނީ ޖަލުބަންދުގައި ތިބި ސިޔާސީ ހައްޔަރީންތަކެއް ދޫކޮށްލާފައެވެ.