އިދިކޮޅު ޕާޓީއަކަށް ވެވޭނީ ފުރިހަމަ ލީޑަރޝިޕެއް އޮވެގެން: އީސީ ޝަރީފް
ސަރުކާރުގެ ފާރަވެރިއެއްގޮތުގައި ޒިންމާދާރު އިދިކޮޅު ޕާޓީއެއް އޮތުން މުހިންމު ކަމުގައި އިލެކްޝަން ކޮމިޝަންގެ ރައީސް އަހްމަދު ޝަރީފް މިއަދު ކުރެއްވި ޓްވީޓެއްގައި ވިދާޅުވެއްޖެއެވެ.
ޝަރީފް މި ޓްވީޓްގައި އިތުރަށް ވިދާޅުވީ އެކަން ކުރެވޭނީ ސިޔާސީ ޕާޓީއެއް އުފެއްދުމަށް ގާނޫނާ ގޮތުން ހެދިފައި ހުންނަ ގަވައިދުތަކާއި އުސޫލުތަކާ އެއްގޮތައް ބިނާކުރެވޭ ލީޑަރޝިޕް އެއްގެދަށުން ކަމަށެވެ.
Sarkaarah faaraverivaane zimmaadhaaru idhikolhu party eh othun muhimmu, gaanoonthakaa gawaaidhu thakaa ekamah hedhifaivaa usooluthakaa ehgothah binaakuraa leadership ehge dhashun ekan kureveynee.
— Ahmed Shareef (@ShareefRangondi) November 20, 2018
ރައީސް ސޯލިހު މިދިޔަ ހޮނިހިރު ދުވަހު ހުވާ ކުރެއްވި ދުވަހުން ފެށިގެން އިދިކޮޅު ސިޔާސީ ޕާޓީއަކީ ޕީޕީއެމް ކަމަށް ގިނަބަޔަކުދެކެއެވެ. ނަމަވެސް ޕީޕީއެމްގެ ލީޑަރޝިޕް ދެބައިވެ ރައީސް މައުމޫން ފެކްޝަނެއް އަދި ރައީސް ޔާމިންގެ ފެކްޝަނެއް ވަނީ އުފެދިފައެވެ.
އަދި ޕީޕީއެމްގެ މައުމޫން ފެކްޝަން ހިމެނެނީ ވެރިކަން ކުރާ ސަރުކާރަށް ނިސްބައްވާ ކޯލިޝަން ތެރޭގައެވެ.
ހަމައެހެންމެ ޕީޕީއެމްގެ ލީޑަރޝިޕްއާމެދު ގޮތެއް ނިންމުމަށް ކޯޓަށް މައްސަލަ ހުށައަޅާފައިވާއިރު އެންމެފަހުން ޕީޕީއެމް އިން ބޭއްވި ކޮންގްރެސް ސައްހަ ނޫންކަމަށް އިލެކްޝަން ކޮމިޝަން އިން ދަނީ ބުނަމުންނެވެ.
އެހެންކަމުން ޕީޕީއެމް އަކީ އިދިކޮޅު ޕާޓީއެއް ކަމުގައި ނުވަތަ ސަރުކާރު ކޯލިޝަންގައި ހިމެނޭ ޕާޓީއެއް ގޮތުގައި ކަޑައެޅޭނީ ކޯޓުން ޕީޕީއެމް އާމެދު ގޮތެއް ނިންމިއިރަކުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
