ޕީޕީއެމްގެ ތެރެއިން އާ ސިޔާސީ ޕާޓީއެއް އަންނަނީ؟
ލިޔުންތެރިޔާ
ޝަފްރާޒް އަހްމަދު
ދިވެހިރާއްޖޭގައި ހަރަކާތްތެރިވުމަށް އާ ސިޔާސީ ޕާޓީއެއް އުފައްދަން މަސައްކަތްކުރާ ފަދަ މޭރުމަކުން، އިލެކްޝަންސް ކޮމިޝަންގެ މެންބަރު އިސްމާއިލް ހަބީބް ވާހަކަފުޅުދައްކަވައިފިއެވެ.
ހަބީބް މިހެން ވިދާޅުވީ، އިލެކްޝަންސް ކޮމިޝަނާއި އެކޮމިޝަންގެ ރައީސް އަހުމަދު ޝަރީފް، ރާއްޖޭގައި އިދިކޮޅު ސިޔާސީ ޕާޓީއެއް ހަރަކާތްތެރިވުމަށް ހުރަސްއަޅާކަމަށްބުނެ ޕީޕީއެމްގެ ޕީޖީ ލީޑަރ އަހުމަދު ނިހާން ހުސައިން މަނިކު ކުރެއްވި ޓްވީޓަކަށް ޖަވާބު ދެއްވަމުންނެވެ.
ނިހާން ވިދާޅުވީ އިދިކޮޅު ސިޔާސީ ޕާޓީއެއް ރާއްޖޭގައި އޮތަ ނުދިނުމަށް އިލެކްޝަންސް ކޮމިޝަންގެ ރައީސް އަހުމަދު ޝަރީފާއި، އެ ކޮމިޝަނުން ކުރައްވަމުން ގެންދަވާ މަސައްކަތް ވަގުތުން ވަގުތަށް ހުއްޓާލުމަށް ދަންނަވާފައެވެ.
މި ޓްވީޓަށް ޖަވާބުދެއްވަމުން އީސީގެ މެންބަރު ހަބީބް ވިދާޅުވީ، ސިޔާސީ ޕާޓީތައް ގާނޫނީ އިމުގެ ތެރެއިން ހިންގުމަށް އީސީއިން ލިބެން ޖެހޭ އެންމެހާ އެހީތެރިކަމެއް ލިބެމުންދާނެކަމަށެވެ.
"މަނިކުފާާނު ނިސްބަތްވާ ޕާޓީގެ ބޭފުޅަކު އާ ސިޔާސީ ޕާޓީއެއް އުފެއްދުމަށް އިއްޔެ އީސީއިން ފޯމުއެއްވެސް ގެންދަވައިފި. ހެޔޮ ނަސީބާއި ކާމިޔާބީއަށް އެދެން"، ހަބީބް އިތުރަށް ނިހާންއާއި ދިމާލަށް ވިދާޅުވިއެވެ.
ހަބީބް މިހެން ވިދާޅުވެފަައިވާ ދަނޑިވަޅަކީ، ޕީޕީއެމްގެ ލީޑަރޝިޕް ކޯޓު ހުކުމަކުން، އަނބުރާ ރައީސް މައުމޫންއަށް ލިބިއްޖެނަމަ، ރައީސް ޔާމީންގެ އާ ސިޔާސީ ޕާޓީއެއް އުފައްދަން އުޅޭކަމުގެ އަޑުތައް ގަދަވެފައިވާ ދުވަސްވަރެއްކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
