މޮރޯކޯއަތުން ބަލިވެ ސޮކްޓްލޭންޑަށް ހާސްކަން
ލިޔުންތެރިޔާ
އަބްދުﷲ ހުސައިން
ވަރލްޑްކަޕް ފުޓްބޯޅަ މުބާރާތުގައި މޮރޯކޯ އާއި ސްކޮޓްލޭންޑް ބައްދަލުކުރިމެޗް މޮރޯކޯ ކާމިޔާބުކޮށްފިއެވެ.
ގްރޫޕް ސީއަށް ނިސްބަތްވާ މިދެޓީމްގެ ކުރިމަތިލުން މޮރޯކޯ ކާމިޔާބުކުރީ 1-0 ގެ ނަތީޖާއިންނެވެ. މެޗްގެ ވަރަށް ކުރީކޮޅު މޮރޯކޯއިން ވަނީ ލަނޑެއްޖަހައި ލީޑް ނަގާފައެވެ. މި ލަނޑު ޖަހައިދިނީ، ސްކޮޓްލޭންޑްގެ ޑިފެންޑަރު ގްރާންޓް ހެންލީއަށް ހެދުނު ގޯހެއްގެ ފައިދާ ނަގައި، އިސްމާއިލް ސައިބާރީއެވެ.
ބޮސްޓަންގައި ކުޅުނު މިމެޗްގައި މޮރޯކޯއިން ވަނީ ފުރަތަމަ ލަނޑު ޖެހިތާ މާގިނައިރުތަކެއްނުވެ، ނަތީޖާ ބަދަލުކޮށްލާނެ ރަނގަޅު ފުރުސަތެއް ސައިބާރީއަށް ލިބުނެވެ. މިމެޗްގައި އެންމެ ފާހަގަވެގެން ގޮސްފައިވަނީ ސްކޮޓްލޭންޑަށް ލިބެންޖެހޭ ޕެނަލްޓީއެއްގެ މައްސަލައެވެ.
މެޗްގައި މާގިނަ ހަމަލާތަކެއް ފެނިގެން ނުދިޔަނަމަވެސް މޮރޯކޯއިން ވަނީ ސްކޮޓްލޭންޑްގެ ގޯލަށް ދޭތެރެއަކުން ނުރައްކާކޮށްފައެވެ.
މި ގްރޫޕްގެ މެޗްތައް މިހާހިސާބަށް އާއިރު، އަނެއް ބުރަށް ދިއުމުގެ ފުރުސަތު އެންމެ ބޮޑީ ބްރެޒިލް އަދި މޮރޯކޯއަށެވެ. ނަމަވެސް ސްކޮޓްލޭންޑަށްވެސް އަދި އެ ފުރުސަތު އެބައޮތެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
