ހަ ސްޓޭޓް މިނިސްޓަރަކު އައްޔަންކޮށްފި

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ގާނޫނުން ލިބިލައްވާ ބާރުގެ ދަށުން، މިނިސްޓަރ އޮފް ސްޓޭޓްގެ މަގާމަށް ހަ ބޭފުޅަކު އައްޔަންކުރައްވައިފިއެވެ.

މި މަގާމުތަކަށް އައްޔަންކުރެއްވި ބޭފުޅުންނަށް ފަތްކޮޅު ދެއްވުން އޮތީ މިއަދު މެންދުރުފަހު ރައީސް އޮފީހުގައެވެ.

މިއަދު އައްޔަންކުރި މަގާމުތަކަށް ބަލާލާއިރު މިނިސްޓަރ އޮފް ސްޓޭޓް ފޮރ ކޮމިއުނިކޭޝަން، ސައިންސް އެންޑް ޓެކްނޮލޮޖީގެ މަޤާމަށް، އަޙްމަދު އިބްރާހީމާއި، މިނިސްޓަރ އޮފް ސްޓޭޓް ފޮރ ހެލްތުގެ މަޤާމަށް، މުޙައްމަދު ޒުހެއިރާއި، މިނިސްޓަރ އޮފް ސްޓޭޓް ފޮރ ހެލްތުގެ މަޤާމަށް، ޝާހް ޢަބްދުﷲ މާހިރާއި، މިނިސްޓަރ އޮފް ސްޓޭޓް ފޮރ އެޑިއުކޭޝަންގެ މަޤާމަށް ފާޠިމަތު ނަޞީރާއި، މިނިސްޓަރ އޮފް ސްޓޭޓް ފޮރ ޓްރާންސްޕޯޓް އެންޑް ސިވިލްއޭވިއޭޝަންގެ މަޤާމަށް، ރޭއަލިވާގެ އަޙްމަދު ޒުހައިރާއި، މިނިސްޓަރ އޮފް ސްޓޭޓް ފޮރ ޓޫރިޒަމްގެ މަޤާމަށް، އަޙްމަދު ޞާލިޙު ވަނީ އައްޔަންކުރައްވާފައެވެ.

މި މަގާމުތަކުގެ އިތުރުން ރައީސް އޮފީހުގެ ޗީފް ކޮމިއުނިކޭޝަން ސްޓްރެޓަޖިސްޓްގެ މަގާމަށްވެސް ބޭފުޅަކު އައްޔަންކޮށްފައެވެ.

މި މަގާމަށް އައްޔަންކޮށްފައިވަނީ އިބްރާހީމް ޙޫދުއެވެ. އޭނާ އެ މަގާމަށް އައްޔަން ކުރެއްވީ ސްޓޭޓް މިނިސްޓަރު ފެންވަރުގައެވެ.