ޒިޔަތު
ޒިޔަތު
ހަބަރު 30 Jul 2026 | 21:14

އެމްއެމްޕީއާރުސީ ޚިޔާނާތާ ގުޅިގެން ޒިޔަތާ ގުޅުން އޮންނަ ކުންފުންޏެއްގެ މައްޗަށް ދައުވާކުރަން ފޮނުވަނީ

އެމްއެމްޕީއާރުސީ މެދުވެރިކޮށް ހިންގި ޚިޔާނާތުގެ ފައިސާ ލޯންޑަރ ކުރި މައްސަލައިގައި  އެ ހިޔާނާތުގައި އިސްކޮށް އުޅުނު އަބްދުﷲ ޒިޔަތާ ގުޅުން އޮންނަ އެމްއެޗްއާރު ޓްރޭޑިންގ ޕްރައިވެޓް ލިމިޓެޑަށް ދައުވާ އުފުލައިދިނުމަށް އެދި ޕްރޮސިކިއުޓާ ޖެނެރަލް (ޕީޖީ)ގެ އޮފީހަށް ހުށަހެޅުމަށް އެންޓި-ކޮރަޕްޝަން ކޮމިޝަން (އޭސީސީ) ނިންމައިފިއެވެ.

އޭސީސީއާއި ދިވެހި ފުލުހުންގެ ޚިދުމަތް ގުޅިގެން ހިންގި ތަޙުޤީޤުން އެނގޭ ގޮތުގައި 2014 ވަނަ އަހަރުގެ ފެބްރުއަރީން ފެށިގެން 2015 ވަނަ އަހަރުގެ އޮކްޓޫބަރާ ހަމައަށް ޓޫރިޒަމް ބޭނުމަށް ރަށްތަކާއި ފަޅުތައް ކުއްޔަށް ދީގެން ދައުލަތަށް ވައްދަންޖެހޭ ފައިސާގެ ތެރެއިން ބައެއް އެސްއޯއެފް ޕްރައިވެޓް ލިމިޓެޑް މެދުވެރިކޮށް އެމްއެޗްއާރުގެ އެކައުންޓަށް ޖަމާކޮށްފައިވެއެވެ. އެގޮތުން އެކި ފަހަރުމަތިން އެސްއޯއެފްގެ ޗެކުތައް މެދުވެރިކޮށް ޖުމްލަ 325,000 ޑޮލަރު އެ ކުންފުންޏާއި އެ ކުންފުނީގެ ދަށުން ހިންގާ "ތަރުކާރީ ފިހާރަ"ގެ އެކައުންޓަށް ވައްދާފައިވާ ކަމަށް ތަޙުޤީޤުން ވަނީ ހޯދިފައެވެ. ޕީޖީ އޮފީހަށް މައްސަލަ ފޮނުވަން ނިންމީ 29 ޖޫން 2026 ގައެވެ.

ތަޙުޤީޤުގައި އެމްއެޗްއާރުން ބުނެފައި ވަނީ އެ ފައިސާއަކީ ޑޮލަރު ގަނެވިއްކުމުގެ ވިޔަފާރިން ލިބުނު ފައިސާ ކަމަށެވެ. ނަމަވެސް ޗެކުތައް ހަވާލުކުރީ ކޮން ފަރާތަކުންކަމާއި ޗެކުތަކަށް ދިވެހި ރުފިޔާ ދެއްކި ގޮތް ސާބިތުކޮށްދެވިފައެއް ނުވެއެވެ. މީގެ އިތުރުން އެމްއެމްޕީއާރުސީ ޚިޔާނާތުގެ ތެރެއިން ދޫކުރި އދ. ފުށިދިއްގާގެ އިކުއިޒިޝަން ކޮސްޓެއް ކަމުގައިވާ 50,000 ޑޮލަރުވެސް އެ ކުންފުނީގެ އެކައުންޓަށް ޖަމާވީ ޚިޔާނާތުގައި އިސްކޮށް އުޅުނު ޢަބްދުﷲ ޒިޔާތު މެދުވެރިކޮށް ކަމަށް ތަޙުޤީޤުން ވަނީ ހާމަވެފައެވެ. މައުލޫމާތު ލިބިފައިވާ ގޮތުގައި އެ ކުންފުންޏަކީ ޒިޔަތުގެ އާއިލީ ކުންފުންޏެކެވެ. އެ ޗެކުތަކާ ގުޅޭ ގޮތުން ޒިޔާތާއި އެމްއެޗްއާރުގެ މެނޭޖިން ޑިރެކްޓަރާ ދެމެދު މުޢާމަލާތް ހިނގާފައިވާ ކަމާއި ޖަމާވި ފައިސާއަކީ ކުށުން ހޯދި ފައިސާ ކަމަށް ޝައްކުކުރެވޭނެ ހާލަތެއް އެ ކުންފުނީގެ އެމްޑީއަށް އޮތް ކަން ތަޙުޤީޤަށް ވަނީ ސާބިތުވެފައެވެ.

މި މައްސަލައިގައި ދައުވާ އުފުލައިދިނުމަށް ހުށަހަޅާފައި ވަނީ ޤާނޫނު ނަންބަރު 10/2014 (މަނީ ލޯންޑަރިންގ އަދި ޓެރަރިޒަމަށް ފައިނޭންސް ކުރުން ހުއްޓުމުގެ ޤާނޫނު)ގެ 53 ވަނަ މާއްދާއާއި 58 ވަނަ މާއްދާގެ ދަށުންނެވެ.

އެސްއޯއެފް ޗެކުތައް މެދުވެރިކޮށް ވެއްދި 325,000 ޑޮލަރަށް ދިވެހި ރުފިޔާއިން ޖެހޭ 5,011,500 ރުފިޔާއާއި ފުށިދިއްގާގެ އިކުއިޒިޝަން ކޮސްޓުގެ ގޮތުގައި ވެއްދި 50,000 ޑޮލަރު އަދި އެ ފައިސާ އިންވެސްޓްކޮށްގެން ހޯދާފައިވާ ފައިދާ އަނބުރާ ހޯދައި އެމްއެމްޕީއާރުސީއަށް ރައްދުކުރުމަށްވެސް ވަނީ ނިންމާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އެމްއެމްޕީއާރްސީގެ ޚިޔާނާތް: އަދީބުއަތުން 150،000 ޑޮލަރު ހޯދި ކަމުގެ ތުހުމަތުގައި ކުންފުންޏަކަށް މަނީ ލޯންޑަރިންގެ ދައުވާ
05 Oct 2026 ހަބަރު

އެމްއެމްޕީއާރްސީގެ ޚިޔާނާތް: އަދީބުއަތުން 150،000 ޑޮލަރު ހޯދި ކަމުގެ ތުހުމަތުގައި ކުންފުންޏަކަށް މަނީ ލޯންޑަރިންގެ ދައުވާ

މޮންޓިލިއަން އިންޓަނޭޝަނަލް ޕްރައިވެޓް ލިމިޓެޑްގެ މައްޗަށް މަނީ ލޯންޑްރިންގ ކުށުގެ ދައުވާ ކޮށްދިނުމަށް އެދި ޕްރޮސިކިއުޓަރ ޖެނެރަލްގެ އޮފީހަށް އޭސީސީން މައްސަލަ ފޮނުވުމަށް ނިންމައިފި އެވެ. މިއީ އެންޓި-...