ރ.ފައިނު ކައުންސިލްގެ ރައީސް ޕީއެންސީ އަށް
މިހާތަނަށް އެމްޑީޕީގެ ވަރުގަދަ މެމްބަރެއްގެ ގޮތުގައި ހުންނެވި ރ. ފައިނު ކައުންސިލްގެ ރައީސް އަލްފާޟިލް މޫސާ އުމަރު މަނިކު ސަރުކާރު ހިންގާ މައި ޕާޓީ، ޕީއެންސީ އަށް ސޮއި ކުރައްވައިފިއެވެ.
ފެށުނީންސުރެ އެމްޑީޕީގައި ހުންނަވާ ، ރ.ފައިނުގެ ރައީސްކަންވެސް އެމްޑީޕީގެ ޓިކެޓްގައި ހޯއްދެވި މޫސާ އުމަރު މަނިކު ޕީއެންސީއަށް ސޮއިކުރެއްވުމުން އޭނާގެ ފޯމާއި ހަވާލުވެ ވަޑައިގެންނެވީ ޕީއެންސީގެ ރައީސް، އަދި މިހާރުގެ ރައީސުލް ޖުމުހުރިއްޔާ ޑރ. މުޙައްމަދު މުއިއްޒެވެ.
ރ.ފައިނު ކައުންސިލްގެ ރައީސް މިއަދު ޕީއެންސީ އާއި ގުޅިވަޑައިގެންނެވި އިރު ރައްޔިތުން މަޖިލިސްގެ ރ. އިނގުރައިދޫ ދާއިރާގެ އެމްޑީޕީ މެންބަރު ހަސަން އަހުމަދު (ހަސަންޓޭ) ޕީއެންސީއަށް ސޮއި ކުރައްވާފައެވެ.
މީގެ އިތުރުން އެމްޑީޕީއަށް ނިސްބަތްވެ ވަޑައި ގަންނަވާ ރައްޔިތުން މަޖިލިސްގެ ގިނަ އަދަދެއްގެ މަމްބަރުން ތަކެއް ވެސް ވަނީ ވެރިކަން ކުރާ ޕާރޓީ ޕީއެންސީ އާއި ގުޅި ވަޑައިގެންފައެވެ.
ހަމައެހެންމެ ރާއްޖޭގެ އަތޮޅުތަކުން ގިނަ އަދަދެއްގެ އާއްމު ރައްޔިތުންވެސް އަންނަނީ ޕީއެންސީ އާއި ގުޅެމުންނެވެ. ޕީއެންސީގެ އިސް ފަރާތްތަކުން މަޢުލޫމާތު ދެއްވާ ގޮތުގައި މިހާރު ޕީއެންސީގެ މެމްބަރުންގެ އަދަދު ސާޅީސް ހާހަށްވުރެ ގިނަ ވާނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
