ކާށިދޫގައި އެހެލާފައި އޮތް ދޯޏެއްގައި އަލިފާނުގެ ހާދިސާއެއް ހިނގައިފި!
ކ.ކާށިދޫގައި އެހެލާފައި އޮތް ދޯޏެއްގައި އަލިފާނުގެ ހާދިސާއެއް ހިނގައިފިއެވެ.
މިހާދިސާ ހިނަގައިފައިވަނީ ރޭ 12:30 ހާއިރެވެ.
މި ދޯނީގައި އަލިފާން ހިފި އިރު ކައިރީގައި އޮތް އިތުރު ދެ ދޯންޏެއްގައި ވެސް އަލިފާން ހިފާފައި ވާކަމަށް މައުލޫމާތު ލިބެއެވެ. އަލިފާން ހިފާފައި ވަނީ ބޮޑު 2 ދޯންޏާއި ކުޑަ ދޯންޏެއްގައެވެ.
މިކަމާއި ގުޅިގެން ވޮއިސް އަށް މައުލޫމާތު ދެއްވަމުން ކާށިދޫ ކައުންސިލްގެ ރައީސް މުހައްމަދު އާމިރު ވިދާޅުވީ، މި ދޯނި ބާއްވާފިއި އޮތީ ރަށުގެ މަގަކަށް ވާ ގޮތަށަ ކަމާއި ނަމަވެސް މި ދޯނީގެ ސަބަބުން ރަށުގެ ރައްޔިތުންނަށް އުނދަގުލެއް ވެދާނެކަމަށް ގަބޫލު ނުކުރެވޭ ކަމަށެވެ. އަދި 2021ގެ ކުރިން ފެށިގެން ވެސް އެ ދޯނި އޮތީ އެތަނުގައި ކަމަށާ އެތަނުން ދޯނި ނަގަންވެސް ވެރިފަރާތަށް އެންގެވި ކަމަށް އޭނާ ވިދާޅުވިއެވެ.
މީގެ އިތުރުން، އާމިރު ވަނީ އެ ދޯނީގައި އަލިފާނުގެ ހާދިސާއެއް ހިނގާފާނެ ޒާތުގެ އެއްވެސް އެއްޗެއް ނުހުންނާނެ ކަން ފާހަގަކުރައްވާފައެވެ.
" މި ދޯނީގައި އިނޖީނެެއް އެއްޗެއް ވެސް ނުހުންނާނެ. އެހެންވީމާ ތެޔޮ ފަދަ އަލިފާން ހިފާ ޒާތުގެ އެއްޗެއްވެސް ނުހުންނާނެ. މި ކަހަލަ ސަބަބުތަކާއި ހުރެ ތުހުމަތު ކުރެވެނީ ބަޔަކު ގަސްތުގައި ކޮއްފައިވާ ކަމެއްކަމަށް "
ކާށިދޫ ކައުންސިލްގެ ރައީސް މުހައްމަދު އާމިރު
މި ހާދިސާ ހިގަން ދިމާވި މައިގަނޑު ސަަބަބެއް ނޭނގޭކަމަށާއި، ނަމަވެސް މިއީ ގަސްތުގައި ބަޔަކު ކޮއްފައިވާ ކަމެއްކަށް ތުހުމަތު ކުރެވޭކަމަށް އޭނާ ވިދާލުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
