މިދިޔަ ހަފުތާގައި މާލެ ސަރަހައްދުން އެކަނިވެސް، އަލިފާނުގެ 10 ހާދިސާ ރިޕޯޓްކޮށްފައިވޭ: އެމްއެންޑީއެފް
މިދިޔަ ހަފުތާގައި މާލެ ސަރަހައްދުން އެކަނިވެސް އަލިފާނުގެ 10 ހާދިސާ ރިޕޯޓުކޮށްފައިވާ ކަމަށް އެމްއެންޑިއެފުން ބުނެފިއެވެ
މިކަމާ ގުޅޭގޮތުން އެމްއެންޑީއެފުން އެކްސްގައި ކުރި ޕޯސްޓެއްގައި ބުނީ، މިދިޔަ ހަފްތާގައި އެމްއެންޑީއެފަށް ލިބުނު ކުއްލި ނުރައްކަލުގެ ހާދިސާތަކަށް ބަލާއިރު އެންމެ ގިނައީ އަލިފާނުގެ ހާދިސާތައް ކަމަށެވެ. އެގޮތުން އަލިފާނުގެ 10 ހާދިސާ ރިޕޯޓް ކުރިއިރު، ދެން އެންމެ ގިނައިން ރިޕޯޓްކޮށްފައިވަނީ، ނުަރައްކާތެރި ތަކެއްޗާ ގުޅިގެން ކޮށްފައިވާ ރިޕޯޓްތައްކަމަށެވެ.
އެމްއެންޑީއެފް އެކްސްގައި ކުރި ޕޯސްޓް
މީގެ އިތުރުން ބަލިމީހުން އުފުލުމަށް 4 ރިޕޯޓެއްގެ އިތުރުން އެލާމް އެޅިގެން 1 ރިޕޯޓެއް އެ އިދާރާއަށް މިދިޔަ ހަފުތާގައި ރިޕޯޓުކޮށްފައިވެއެވެ. މިދިޔަ ހަފުތާގައި ޖުމްލަ 24 ހާދިސާގެ ރިޕޯޓުކޮށްފައިވާއިރު އެ ހުރިހާ ހާދިސާތައް ރިޕޯޓުކޮށްފައިވަނީ މާލޭ ސަރަހައްދުންނެވެ.
މާލޭ ސަރަހައްދުގައި އަލިފާނުގެ ހާދިސާތައް ރާއްޖޭގެ އެހެން ހިސާބުތަކާ އަޅާބަލާއިރު އިތުރުކަން ފާހަގަކުރެވެއެވެ. އަލިފާނުގެ ހާދިސާތަކުން ރައްކާތެރިވުމަށްޓަކައި އަމަލު ކުރަންވީ ގޮތް ތަކާއި ބެހޭ ގޮތުން އެމްއެންޑީއެފުން ދަނީ ސްކޫލްތަކަށް ގޮސްގެންނާއި ސޯޝަލް މީޑިއާގެ ޒަރިއްޔާއިން ރައްޔިތުން ހޭލުންތެރިކުރުވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
