އިނގުރައިދޫ ދާއިރާއަށް އަނެއްކާވެސް ހަސަން ވާދަކުރަނީ

20 ވަނަ ރައްޔިތުންގެ މަޖިލީހުގެ އިނގުރައިދޫ ދާއިރާގެ ގޮނޑިއަށް މިހާރުވެސް މިހާރުވެސް އެ ގޮނޑި ފުރުއްވަމުން ގެންދަވާ ހަސަން އަހުމަދު (ހަސަންޓޭ) ވާދަކުރައްވަން ނިންމަވައި އެކަން އިއުލާން ކުރައްވައިފިއެވެ.

އިނގުރައިދޫ ދާއިރާގައި ހިމެނޭ، އިނގުރައިދޫ، އިންނަމާދޫ، ރަސްމާދޫ ފައިނު އަދި ކިނޮޅަސް މަޖިލީހުގައި ތަމްސީލް ކުރެއްވުމަށް އެ ދާއިރާއަށް ވާދަކުރައްވާކަން އިއުލާން ކުރައްވައި ހަސަންޓޭ ވިދާޅުވީ، މި ފާއިތުވި 15 އަހަރު ދުވަހު އެ ރަށްތަކުގެ ރައްޔިތުންގެ ބޭނުންތަކާއި ދަތިތައްް އަހާއި ބެލުމުގައި އެންމެ ގާތުގައި އޭނާ ހުންނެވި ކަމަށެވެ.

އެގޮތުން އެ 15 އަހަރުގެ ތެރެއިން ފާއިތުވި 5 އަހަރަކީ ރައްޔިތުން މަންދޫބެއްގެ ގޮތުގައި އޭނާ ރައްޔިތުންގެ މަޖިލިސް ތަމްސީލް ކުރެއްވި 5 އަހަރުކަން ފާހަގަ ކުރައްވައި ހަސަންޓޭ ވަނީ، އެ 5 އަހަރަކީ އިނގުރައިދޫ ދާއިރާގެ ތާރީޚުގައިވެސް އެންމެ ކާމިޔާބު 5 އަހަރު ކަމުގައެެވެ.

އިޖްތިމާއި ގޮތުންނާއި އުމްރާނީ ތަރައްގީގެ ކުރި ބޯށިތައް ހާސިލްކުރުމުގައި ދުވަހަކު ފެނިފައި ނުވާ ކުރިއެރުންތައް ރަށްތަކަށް ލިބުނު 5 އަހަރެވެ.

ހަސަން އަހުމަދު

އަދި މީގެ އިތުރުން ހަސަންޓޭ ވިދާޅުވީ، އެ ބޭފުޅާއަކީ އެއްވެސް ބައެއްގެ ހަތުރެއް ނޫން ކަމަށާއި ރައްޔިތުންގެ ލާބަޔާއި މަންފާއަށް މަސައްކަތް ކުރާ ކޮންމެ ބައެއްގެ ވެސް މިތުރެއް ކަމަށެވެ.

ވުމާއެކު ދާއިރާގެ ތަރައްގީއަށް ކުރަން ހުރި ކަންކަމައިގެން ކުރިއަށް އޮތް 5 އަހަރުވެސް ދެމި ހުންނާނެ ކަމުގައި ވިދާޅުވެ، ހަސަންޓޭ ވިދާޅުވީ، 20 ވަނަ ރައްޔިތުންގެ މަޖިލީހުގެ އިނގުރައިދޫ ދާއިރާގެ މަޖިލިސް އެމްޑީޕީގެ ޕްރައިމަރީގައި ވާދަކުރެއްވުމަށް ނިންމަވައިފައިވާކަމަށެވެ.