ރަސްދޫގައި 50 ހައުސިން ޔުނިޓް އެޅުމުގެ ބިންގާ އަޅައިފި
ލިޔުންތެރިޔާ
ޚަދީޖާ އަރުފާ
އއ. ރަސްދޫގައި 50 ހައުސިން ޔުނިޓް އެޅުމުގެ މަޝްރޫޢުގެ ބިންގާ އިއްޔެ އަޅައިފިއެވެ.
މި ރަސްމިއްޔާތުގައި ބިންގާ އަޅުއްވައިދެއްވީ ހައުސިން މިނިސްޓަރ ޑރ. އަލީ ހައިދަރެވެ.
މި މަސައްކަތް ހަވާލު ކޮށްފައިވަނީ އެސްޖޭ ކޮންސްޓްރަކްޝަން ކުންފުންޏާއެވެ. 84 މިލިއަން ރުފިޔާގެ މި މަޝްރޫޢު ހަވާލުކުރެވުނީ 270 ދުވަހުގެ ތެރޭގައި ނިންމުމަށެވެ.
މި މަޝްރޫޢުގެ ދަށުން އަޅާ ކޮންމެ ޔުނިޓެއްގައި 3 ކޮޓަރި، ފާޚާނާ، ގުދަން އަދި ބަދިގެ ހިމެނޭނެއެވެ. ކޮންމެ ޔުނިޓެއްގެ ބޮޑުމިނަކީ 1000 އަކަފޫޓެވެ. މީގެ އިތުރުން، އިމާރާތުގައި ވެހިކަލް ޕާކުކުރެވޭނެ ނިޒާމާއި، ސްޓްރެޗަރ ލިފްޓާއި ފަސިންޖަރު ލިފްޓް ހިމެނޭނެއެވެ.
ރަސްދޫ ހައުސިންގ ޔުނިޓު އެޅުމުގެ މަޝްރޫޢުގައި ބިންގާ އެޅުމުގެ ރަސްމިއްޔާތުގައި ވާހަކަ ދައްކަވަމުން ހައިދަރު ވިދާޅުވި ވިދާޅުވީ، މި މަޝްރޫޢަކީ ރަސްދޫގެ ބޯހިޔާވަހިކަމުގެ މައްސަލައަށް ލިބޭނެ ބޮޑު ހައްލެއް ކަމަށެވެ. އަދި ސަރުކާރުގެ އަމާޒަކީ މި 5 އަހަރުގެ ދައުރުގެ ތެރޭގައި އެންމެންނަށްވެސް ބޯހިޔާވަހިކަން ހާސިލްކޮށްދިނުން ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
