ގިނަ އަދަދެއްގެ މަސްތުވާތަކެއްޗާއެކު މާލެއިން ނޭޕާލު އަންހެނަކު ހައްޔަރުކޮށްފި
ލިޔުންތެރިޔާ
ޚަދީޖާ އަރުފާ
ގިނަ އަދަދެއްގެ މަސްތުވާތަކެއްޗާއެކު، މާލެއިން ނޭޕާލުގެ ޒުވާން އަންހެނަކު ހައްޔަރުކޮށްފި އެވެ.
މި މައްސަލައާ ގުޅިގެން ހައްޔަރުކޮށްފައިވަނީ ނޭޕާލް ޒުވާނެއް ކަމުހައިވާ ނިޝާ ރާއީ، (21އ) އެވެ.
އޭނާގެ ބަންދު އަމުރުގައިވާގޮތުން، ހައްޔަރުކުރި އިރު އޭނާ ދިިރިއުޅުނު އެޕާޓްމަންޓްގައި ޑްރަގް ޓްރެފިކިންގެ މިންގަނޑަށް ފެތޭ ވަރަށް މަސްތުވާތަކެތި ހުއްޓެވެ.
އަދި އެތަކެތި ހުރީ ހާމައަށް ކަމަށާއި އެ ތަކެތި ކިރައި ބަންދުކުރަން ބޭނުންކުރާ ސާމާނު ވެސް އެ ތަނުގައި ހުރިކަމަށް ފުލުހުންގެ އައިއޯ ބުނެފައިވާ ކަމަށް އަމުރުގައި ވެއެވެ.
މީގެ އިތުރުން އަންހެން މީހާގެ ކުޑަކަމުދާ ތަކެތި ޓެސްޓްކުރި އިރު މަސްތުވާތަކެތީގެ ބާވަތެއް ކަމަށްވާ ކެނަބިސް އަށް ޕޮޒިޓިވް ވެފައިވާކަންވެސް އަމުރުގައި ފާހަގަކޮށްފައިވެއެވެ.
ކޯޓު އަމުރުގައިވާގޮތުން ކުށްކުރި ކަމަށް ތުހުމަތު ކުރެވޭ މިންވަރަށް ވަނީ ހެކި ހުށަހަޅާފައެވެ.
ނަމަވެސް މި މައްސަލައިގައި ވަކީލެއްގެ އެހީތެރިކަން ބޭނުންވާ ކަމަށް ބުނުމުން އެކަމަށް ރިއާޔަތްކޮށް މައްސަލަ ބެއްލެވި ގާޒީ ނިޝާގެ ބަންދަށް ޖަހާފައިވަނީ އެންމެ ފަސް ދުވަހެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
