އާ އަހަރުގެ މިއުޒިކް ޝޯ މިފަހަރު ނޯންނާނެ
ލިޔުންތެރިޔާ
ޝަފްރާޒް އަހްމަދު
ކޮންމެ އަހަރެއްގެ ފެށުން ފާހަގަކުރުމަށްޓަކައި އެމްއެމްޕީއާރްސީން ބާއްވާ ޓުއަރިޒަމް އެރައިވަލް ކައުންޓްޑައުން މިއުޒިކް ޝޯ، މިއަހަރު ބާއްވާނެކަން ކަށަވަރު ނުވާކަމަށް އެމްއެމްޕީއާސީއިން ހާމަކޮށްފިއެވެ.
ވޮއިސްއިން ކުރި ސުވާލަކަށް ޖަވާބުދެއްވަމުން އެމްއެމްޕީއާރްސީގެ އޮފިޝަލަކު ވިދާޅުވީ އާ އަހަރުގެ މިއުޒިކް ޝޯ އާއި ހަވާއެރުވުމުގެ ހަރަކާތްތައް އިންތިޒާމް ކުރައްވަމުން އަންނަނީ ޓުއަރިޒަމް މިނިސްޓްރީންކަން ފާހަގަކުރައްވައި އެ މިނިސްޓްރީން މީގެކުރިން އެ ސޯ ބޭއްވުމަށް އެމްއެމްޕީއާސީއަށް އައުޓްސޯސް ކުރެއްވި ނަމަވެސް މިހާތަނަށް އެކަމުގެ އިޝާރާތެއް މިނިސްޓްރީންކޮށްފައި ނުވާކަމަށް އެމްއެމްޕީއާރސީ އިން ވާހަކަ ދެއްކެވި އޮފިޝަލް ވިދާޅުވިއެވެ.
ސޯވް އިންތިޒާމް ކުރައްވާ ޓުއަރިޒަމް މިނިސްޓްރީގެ ބަހެއް އަދި ލިބިފައިނުވާކަން ފާހަގަކޮށްލަންޖެހެއެވެ.
ޓުއަރިޒަމް އެރައިވަލް ކައުންޓްޑައުން ޝޯ އަކީ ރާއްޖެއަށް އެއް މިލިޔަން ފަތުރުވެރިން ގެނައުން ކޮންމެ އަހަރު ފާހަގަކުރުމަށް ކުރީގެ ނައިބު ރައީސް އަހުމަދު އަދީބުގެ އިސްނެންގެވުމުގެ މަތިން ބާއްވަމުންދިޔަ ޝޯ އެކެވެ. މި ޝޯގައި ލަވަކިޔުމަށް ބޭރުގެ މަޝްހޫރު ގިނަ ފަންނާނުން ފާއިތުވެދިޔަ އަހަރުތަކުގައި ގެެނެވިފައިވެއެވެ.
ޓުއަރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުގައި 2017ވަނަ އަހަރު ރާއްޖެއަށް 1,389,542 ފަތުރުވެރިން ވަނީ ޒިޔާރަތްކޮށްފައެވެ.
ޓުއަރިޒަމް މިނިސްޓްރީއާއި އެމްއެމްޕީއާރްސީން އާ އަހަރުގެ މިއުޒިކް ޝޯ ނުބޭއްވުމަށް ނިންމާފައިވީނަމަވެސް ޔޫތް މިނިސްޓަރ އަހުމަދު މަޚުލޫފްގެ އިސްނެންގެވުމުގެ މަތިން ހަފްތާ ނިންމުމުގެ ޝޯ ބޭއްވުމަށް ވަނީ ހަމަޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
