ލިބުނު ވަގުތަށް އިޙްތިރާމުކޮށް ޝުކުރުވެރި ވުމުން ލިބޭ އުފާވެރިކަން މާ ރަނގަޅު: ނައިބު ރައީސް

ލިބުނު ވަގުތަށް އިޙްތިރާމުކޮށް ޝުކުރުވެރި ވުމުން ލިބޭ އުފާވެރިކަން މާ ރަނގަޅު ކަމަށް ރައިސުލްޖުމްހޫރިއްޔާގެ ނައިބު ހުސެއިން މުހައްމަދު ލަތީފު ވިދާޅުވެއްޖެއެވެ.

ނައިބުރައީސް މިހެން ވިދާޅުވެފައި ވަނީ، އެމަނިކުފާނު މިއަދު އެކަސްގައި ކުރެއްވި ޕޯސްޓެއްގައެވެ.

އެ ޕޯސްޓްގައި އެމަނިކުފާނު ވިދާޅުވެފައިވަނީ، އެއްވެސް ކަމަކީ ދާއިމަށް ތިމާގެ ހައްޤެއް ކަމަށް ނުދެކުމަށެވެ.

‏ކޮންމެ ކަމަކީވެސް ވަގުތު ކަނޑައެޅިގެންވާ ކަމެކެވެ. އެއީ ދުނިޔޭގެ އާދައެވެ. އެ ލިބުނު ވަގުތަށް އިޙްތިރާމުކޮށް ޝުކުރުވެރި ވުމުން ލިބޭ ޤަދަރާއި، އުފާވެރިކަން މާ ރަނގަޅެވެ.

ރައިސުލްޖުމްހޫރިއްޔާގެ ނައިބު ހުސެއިން މުހައްމަދު ލަތީފު

ނައިބު ރައީސް ކުރެއްވި ޕޯސްޓަކީ ވަކި ބޭފުޅަށް ރައްދު ކުރައްވައި ނުވަތަ ވަކި ކަމަކާ ގުޅިގެން ކުރެއްވި ޕޯސްޓެއް ކަމެއް ސާފެއް ނުވެއެވެ. ނަމަވެސް ނައިބުރައީސް މި ބީދައިން ވިދާޅުވެފައިމިވަނީ، ޕްރޮސެކިއުޓަރ ޖެނެރަލްގެ މަޤާމުން ހުސައިން ޝަމީމް ވަކިކޮށްފައިވަނިކޮށްކަން ފާހަގަޮށްލެވެއެވެ.

ޕީޖީ މަޤާމުން ވަކިކޮށްފައިވަނީ މަޖިލީހުގެ ތަޅުމަށް ހުށަހަޅައި މެމްބަރުންގެ ވޯޓުންނެވެ. އޭގެ ކްރިން ޕީޖީ ޝަމީމް ވަނީ މަޤާމުން އިސްތިއުފާދެއްވާފައެވެ. ނަމަވެސް މަޖިލީހުން ޕީޖީ ޝަމީމް ވަކިކުރުމުގެ ކުރިން އިސްތިއުފާގެ ސިޓީ ރައީސް އޮފީހަށް ލިބިފައިނުވާ ކަމަށް މަޖިލީހުގެ ސަރުކާރަށް ނިސްބަތްވާ މެމްބަރުން ވަނީ ބުނެފައެވެ.

ރައިސުލްޖުމްހޫރިއްޔާގެ ނައިބު ހުސެއިން މުހައްމަދު ލަތީފަކީ، މީގެ ކުރިން ރައްޔިތުންގެ މަޖިލީހުގެ ފަރެސްމާތޮޑާ ދާއިރާގެ ކުރީގެ މެންބަރެވެ.