މެންބަރު އަމީތު އަދި އަބުޅޯ ޖޭޕީއަށް ސޮއިކޮށްފި
ލިޔުންތެރިޔާ
ޝަފްރާޒް އަހްމަދު
ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރު މުހައްމަދު އަމީތާއި ތިނަދޫ ދެކުނު ދާއިރާގެ މެންބަރު އަބްދުﷲ އަހުމަދު ޖުމްހޫރީ ޕާޓީއަށް ސޮއިކޮށްފިއެވެ.
މި ދެބޭފުޅުން ޖޭޕީއަށް ސޮއިކޮށްފައިވަނީ މިރޭ ކުނޫޒުގައި ބޭއްވި ޚާއްސަ ހަފްލާއެއްގައެވެ. މި ދެ މެންބަރުންގެ ފޯމާއި ހަވާލުވެ ވަޑައިގަންނަވާފައިވަނީ ޖުމްހޫރީ ޕާޓީގެ ލީޑަރ އަދި ރައްޔިތުންގެ މަޖިލީހުގެ ރައީސް ގާސިމް އިބްރާހިމްއެވެ.
މި ދެބޭފުޅުންނަކީވެސް އެންޓި-ޑިފެކްޝަން ގާނޫނުގެ ސަބަބުން ގޮނޑި ގެއްލި، ފަހުން ސުޕްރީމް ކޯޓުގެ ހުކުމަކުން ގޮނޑި އަނބުރާ ލިބުނު ދެ މެންބަރުންނެވެ. މި ދެބޭފުޅުން މިރޭ ޖޭޕީއަށް ސޮއިކުރެއްވުމާއި ހަމައަށް ތިއްބެވީ ރައީސް މައުމޫނަށް ތާއިދުކުރައްވާ މިނިވަން މެންބަރުންގެ ގޮތުގައެވެ.
މި ދެބޭފުޅުންގެ ތެރެއިން އަބްދުﷲ އަހުމަދަކީ ރައްޔިތުންގެ މަޖިލީހަށް ޖޭޕީގެ ޓިކެޓެއްގައި ހޮވިވަޑައިގެންނެވި ބޭފުޅެކެވެ.
ފަހަކަށް އައިސް ޕީޕީއެމްގެ އަދި ރައީސް މައުމޫންގެ އިސްލާހީ ހަރަކާތުގެ ގިނަ އަދަދެއްގެ މެންބަރުން ދަނީ ޖޭޕީއާއި ގުޅިވަޑައިގަންނަވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
