ބާސެލޯނާ އަކީ ލަލީގާގައި، މިވަގުތު އެންމެ މޮޅު ޓީމު: މާސެލީނޯ

ސްޕެނިޝް ލަލީގާގައި ބާސެލޯނާއި ދެކޮޅަށް އާދިއްތަ ދުވަހުގެ ރޭ އަމިއްލަ ދަނޑުގައި ނުކުންނައިރު އެޓީމަކީ މިވަގުތު ލީގުގައި އޮތް އެންމެ ވަރުގަދަ ޓީމުކަމަށް ވިލަރެއާލްގެ ކޯޗު މާސެލީނޯ ބުނެފިއެވެ.

އާދިއްތަ ދުވަހުގެ ރޭ ކުޅޭ މެޗުގެ ކުރިން މިއަދު އޮތް ނިއުސް ކޮންފަރެންސްގައި ވާހަކަދައްކަމުން މާސެލީނޯ ބުނީ ލީގުގައި މިހާތަނަށް ބާސެލޯނާގެ ފަރާތުން ފެނުނު ކުޅުމާއި އެޓީމު ނެރެފައިވާ ނަތީޖާތަކުން އެޓީމުގެ ފެންވަރު ސާބިތުކޮށްދޭކަމަށެވެ.

އަހަރެމެން ބާސެލޯނާއަށް އިހުތިރާމް ކުރަން ނަމަވެސް އަމިއްލަ ސަޕޯޓަރުންގެ ކުރިމަތީގައި ރަނގަޅު ނަތީޖާއަކަށް އުންމީދުކުރާކަމަށެވެ. އަދި މިދެޓީމު އެންމެ ފަހުން ކުޅުނު މެޗު 4-5 ގެ ނަތީޖާއަކުން ކާމިޔާބުކޮށްފައި ވަނީ ވިލަރެއާލް އެވެ.

މިމެޗަށް ދެޓީމު ނުކުންނައިރު، ކުޅުނު ފަސް މެޗުން ވެސް މޮޅުވެ 15 ޕޮއިންޓާއެކު ލީގު ތާވަލުގެ އެއްވަނައިގައި މިވަގުތު އޮތީ ބާސެލޯނާ އެވެ. އަދި ކުުޅުނު ފަސް މެޗުން ލިބުނު 11 ޕޮއިންޓާއެކު ލަނޑުގެ ތަފާތުން ވިލަރެއާލް މިވަގުތު އޮތީ ލީގު ތާވަލުގެ ހަތަރުވަނައިގައެވެ.