މާފަންނު ގެއެއްގައި އަލިފާނުގެ ހާދިސާ ހިނގީ، އޭސީ އިންޑޯ ޔުނިޓްގައި ރޯވެގެން: އެންޑީއެމްއޭ
ލިޔުންތެރިޔާ
އަބްދުﷲ ހުސައިން
މާފަންނު ފްލެމިންގޯގެ އެޕާޓްެންޓެއްގައި މިއަދު އަލިފާނުގެ ހާދިސާ ހިނގާފައިވަނީ ކޮޓަރީގައި ހުރި އޭސީ ޔުނިޓްގައި ރޯވެގެންކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީން ބުނެފިއެވެ.
އަލިފާނުގެ އެ ހާދިސާ ހިނގާފައިވަނީ މިއަދު ހަވީރުގެ ވަގުތެއްގައެވެ. އެންޑީއެމުން ބުނީ މި ހާދިސާގައި އެއްވެސް މީހެއްގެ ހަށިގަނޑަކަށް ގެއްލުން ލިބިފައި ނުވާކަމަށެވެ. އަލިފާން ރޯވި އެޕާޓްމަންޓަކީ މިވަގުތަށް ހުސްކޮށްފައިހުރި މީހުން ދިރިނޫޅޭ ތަނެކެވެ.
އަލިފާނުގެ ހާދިސާ ހިނގުމާ ގުޅިގެން އެމްއެންޑީއެފްގެ ފަރ އެންޑް ރެސްކިއު ޓީމުން ވަނީ އަލިފާން ނިއްވާލުމުގެ މަސައްކަތް ކުރިއަށްގެންގޮސްފައެވެ. ޑިޒާސްޓާ މެނޭޖްމަންޓް އޮތޯރިޓީން ބުނީ އަލިފާނުގެ ހާދިސާ ހިނގި ތަނުގައި އެ އޮތޯރިޓީގެ މުއައްޒަފުން ހަރަކާތްތެރިވެ، ލިބުނު ގެއްލުންތައް ބަލަމުންދާކަމަށެވެ.
ބޭނުން ނުކުރާ އެޕާޓްމަންޓްތަކުގައި ހުންނަ އޭސީ ޔުނިޓްތަކާއި، އަދި އެނޫންވެސް ކަރަންޓްގެ އާލާތްތައް ނިއްވާލާފައި ބެހެއްޓުމަށް ކަމާބެހޭ ފަރާތްތަކުން އަބަދުވެސް އިލްތިމާސްކުރެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
