ފުލުހުން ބަލަމުން އަންނަ މައްސަލައެއްގެ ތަހުގީގަށް ހާޒިރުވާން 2 މީހަކު ހޯދަނީ
ލިޔުންތެރިޔާ
ފާޠިމަތު އިނާ ސަވާދު
ފުލުހުން ތަހުގީގު ކުރަމުންދާ މައްސަލައެއްގެ ތަހުގީގަށް ހާޒިރުވާން ދެ މީހަކު ހޯދަން އިއުލާނުކޮށްފިއެވެ.
ފުލުހުން ވިދާޅުވީ އެ ދެމީހުން ހޯދަން އިއުލާނުކުރީ ޑްރަގް އެންފޯސްމަންޓުން ތަހުގީގު ކުރަމުންދާ މައްސަލައެއްގެ ތަހުގީގަށް ހާޒިރު ކުރުމަށް ޗިޓު ރައްދު ކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ކަމަށެވެ.
މި މައްސަލައިގައި ހޯދަން އިއުލާނުކޮށްފައި ވަނީ 36 އަހަރުގެ ށ. ފޯކައިދޫ، ދަންމަރު އަޙްމަދު ޒާހިދުއާއި 40 އަހަރުގެ ސ. ފޭދޫ، އެވަރެސްޓު ޙުސައިން ޞާލިޙެވެ.
މި މައްސަލައިގައި ދެ މީހުން ހާޒިރުކުރަން ބޭނުންވަނީ މައްސަލައިގެ ތުހުމަތުގައި ތަހުގީގަށް ސުވާލު ކުރުމަށް ކަމަށް ފުލުހުން ވިދާޅުވިއެވެ.
މި މަހުގެ 30ވަނަ ދުވަހުގެ ހެނދުނު 10:00 ނުވަތަ ވީއެންމެ އަވަހަކަށް ސާޖަންޓު އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގަށް ހާޒިރުވާން އެ ދެ މީހުންނަށް ފުލުހުން ވަނީ އަންގާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
